জুৱাৰ বিৰুদ্ধে নগাঁও আৰক্ষীৰ তীব্ৰ অভিযান

নগদ ধন, চাইকেল-মটৰচাইকেল সহ আটক তিনিজন

ৰূপহীহাট,২০ জুনঃ নগাঁও জিলাৰ ৰূপহীহাটত জুৱা খেলৰ বিৰুদ্ধে আৰক্ষীৰ অভিযান | কলিয়াবৰ SDPO মৃন্ময় দাস আৰু ৰূপহীহাট আৰক্ষী থানাৰ ভাৰপ্ৰাপ্ত বিষয়া কল্যাণ কুমাৰ গগৈৰ নেতৃত্বত চলা এই অভিযানত জুৱা খেল উৎখাত কৰাৰ লগতে আটক কৰা হয় তিনিজন জুৱাৰি । জুৱাৰি কেইজন ক্ৰমে, হাৰুণ ৰছিদ, নুৰ আহমেদ আৰু নুৰ জামাল | জুৱাৰি কেইজনৰ পৰা জুৱা খেলৰ বহু নথি-পত্ৰৰ লগতে উদ্ধাৰ হয় নগদ ২৫,৪৮০ টকা | আনফালে জুৰীয়াটো জুৰীয়া থানাৰ ভাৰপ্ৰাপ্ত আৰক্ষী বিষয়া অৰ্পণ শইকীয়াৰ নেতৃত্বত এটি আৰক্ষী দলে মাহেৰীপাৰত জুৱাৰ বিৰুদ্ধে অভিযান চলাই দুখন বাইকৰ লগতে কেইবাখনো চাইকেল জব্দ কৰে ৷