সন্ধান নাই উত্তৰাখণ্ডৰ জলপ্ৰলয়ত সন্ধানহীন অসমৰ তিনি যুৱকৰ

উত্তৰাখণ্ডৰ জলপ্ৰলয়ত সন্ধান হেৰুৱাইছিল অসমৰ তিনিজন যুৱকে ৷ কিন্তু আজিও পৰিয়াল লোকে যুৱক কেইজনৰ সন্ধান পোৱা নাই ৷ সন্ধানহীন যুৱককেইজন হ’ল কামপুৰ উত্তৰ চাংচকীৰ নিবাসী অমৰজ্যোতি দাস আৰু কমল দাসৰ লগতে হোজাইৰ কাকীৰ সুশান্ত ডালু ৷

বঢ়মপুৰ, 9 ফেব্ৰুৱাৰী : আজিও সন্ধান ওলোৱা নাই উত্তৰাখণ্ডৰ জলপ্ৰলয়ত সন্ধানহীন হোৱা অসমৰ তিনিজনকৈ যুৱকৰ ৷ কামপুৰ উত্তৰ চাংচকীৰ নিবাসী অমৰজ্যোতি দাস আৰু কমল দাসৰ লগতে হোজাইৰ কাকীৰ নিবাসী তথা কমল দাসৰ খুলখালি সুশান্ত ডালুৰ নিখোজ হোৱা ঘটনাই পৰিয়ালৰ লগতে গাঁওবাসীক মৰ্মাহত কৰি তুলিছে ৷

যুৱক তিনিজনৰ পৰিয়ালৰ লগতে স্থানীয় লোকে অসম চৰকাৰ আৰু উত্তৰাখণ্ড চৰকাৰক তেওঁলোকৰ সন্ধান উলিয়াই দিবলৈ অনুৰোধ জনাইছে ৷ পৰিয়ালৰ লোকে সাংবাদিকক জানিবলৈ দিয়া অনুসৰি কমল দাসে ঘৰত পত্নীসহ এটা কণমানি শিশুক এৰি থৈ কৰ্মসংস্থাপনৰ বাবে উত্তাৰখণ্ডলৈ গৈছিল ৷

সন্ধান নাই উত্তৰাখণ্ডৰ জলপ্ৰলয়ত সন্ধানহীন তিনি যুৱকৰ

উল্লেখ্য যে, জলপ্ৰলয়ে পলকতে জীৱন্তে উতুৱাই নিয়া ২০/২৫ জন লোকৰ মৃতদেহ উদ্ধাৰ কৰিছে যদিও এই পৰ্যন্ত প্ৰায় ১৫০ ৰো অধিক লোকৰ সন্ধান পোৱা নাই ৷ এতিয়াও উত্তৰাখণ্ড প্ৰশাসনে অব্যাহত ৰাখিছে সন্ধানহীন লোকৰ উদ্ধাৰ কাৰ্য ৷

লগতে পঢ়ক : কাইলৈ 19 সংখ্যক বিটিচি চুক্তি দিৱস