নগাঁও, 9 মে': নগাঁৱত নিৰাপত্তাৰ ফোঁপোলা স্বৰূপ উদঙাই দি চোৰে দিন দুপৰতে লুটিলে ধন ৷ ববিতা শইকীয়া নামৰ এগৰাকী মহিলাই ভাৰতীয় ষ্টেট বেংকৰ নগাঁও শাখাৰ পৰা নগদ এক লাখ টকা উলিয়াই ৰিক্সাৰে গৈ থকা অৱস্থাতে চোৰে লুটি নিয়ে ধনখিনি ৷ চুৰিকাণ্ডৰ সমগ্ৰ দৃশ্যাৱলী বন্দী হৈ ৰয় চিচিটিভি কেমেৰাত ৷
বাইকত অহা দুজনীয়া চোৰৰ দলে নগাঁৱৰ জয়শ্ৰী চিনেমা হলৰ সমীপৰ ৰাষ্ট্ৰীয় ঘাইপথতে মহিলাগৰাকীক ৰিক্সাৰ পৰা বগৰাই ধনখিনি লৈ উধাও হয় ৷ আনহাতে চোৰৰ আক্ৰমণত গুৰুতৰভাৱে আঘাতপ্ৰাপ্ত হয় মহিলাগৰাকী ৷ ইতিমধ্যে ঘটনা সন্দৰ্ভত আৰক্ষীয়ে তদন্ত আৰম্ভ কৰিছে ৷
বিগত দিনসমূূহত নগাঁওত এইদৰে কেবাটাও চুৰিকাৰ্য সংঘটিত হৈছে ৷ স্থানীয় ৰাইজে এইক্ষেত্ৰত বেংকৰ বিষয়া কৰ্মচাৰীক সোধা পোছা কৰি অনুসন্ধান চলাবলৈ দাবী উত্থাপন কৰিছে আৰক্ষীক ৷