জুৰীয়া আৰক্ষীৰ জালত চাৰি অভিযুক্ত

জুৰীয়া আৰক্ষীৰ অভিযানত আটক চাৰি পাষণ্ড ৷ অভিযানত আটক নৱবিবাহিতা বোৱাৰীক জ্বলোৱা কাণ্ডৰ চাৰি অভিযুক্ত ৷

ৰূপহীহাট, 10 ছেপ্তেম্বৰঃ দুদিন পূৰ্বে নগাঁৱত জুৰীয়াৰ ধিং গাঁৱৰ নাৰগিছ চুলতানা নামৰ নৱবিবাহিতা বোৱাৰী গৰাকীক হাত-ভৰি বান্ধি নৃশংসভাৱে জ্বলাই দিয়া ঘটনাৰ লগত জড়িত থকাৰ অভিযোগত আৰক্ষীয়ে 4 অভিযুক্তক আটক কৰিবলৈ সক্ষম হৈছে ৷ জুৰীয়া আৰক্ষীৰ ভাৰপ্ৰাপ্ত বিষয়া অৰ্পণ শইকীয়াৰ নেতৃত্বত এক বিশেষ অভিযান চলাই জাজৰীৰ গেণ্ডোৱাৰ পৰা আটক কৰে অভিযুক্ত কেইটাক ৷ ধৃত অভিযুক্ত কেইটা হৈছে ক্ৰমে জাকিৰ হুছেইন,গুলজাৰ হুছেইন,আব্দুল হক আৰু আছিকুল ইছলাম ৷ বোৱাৰী গৰাকী সম্প্ৰতি গুৱাহাটী চিকিৎসা মহাবিদ্যালয়ত অতি সংকটজনক অৱস্থাত চিকিৎসাধীন হৈ আছে ৷