জখলাবন্ধা, 20 জুনঃ জখলাবন্ধাত চৰকাৰী ভূমি বেদখল কৰাক লৈ প্ৰতিবাদত নামে একাংশ স্থানীয় যুৱক ৷ জখলাবন্ধাৰ ৱঙ্কটেশ্বৰ প্ৰাথমিক বিদ্যালয়ৰ সমীপৰ চৰকাৰী মাটি বেদখল মুক্ত কৰিবলৈ ৩৭ নং ৰাষ্ট্ৰীয় পথ অৱৰোধ কৰি প্ৰতিবাদত নামে স্থানীয় যুৱক সকল ৷
ভূমি বেদখল কৰাক লৈ প্ৰতিবাদ অভিযোগ মতে, ভূমি বেদখল কৰি থকা শিক্ষক জনৈক যশোমন্ত চৌহান শিক্ষক গৰাকীয়ে অবৈধভাবে দখল কৰা তিনি কথা মাটি মুকলি কৰিবলৈ যোৱাৰ সময়তে যুৱকসকলৰ মাজত তীব্ৰ বাক-বিতণ্ডা হয় । প্ৰথমে শিক্ষক যশোমন্ত চৌহানৰ পিতৃৰ লগত যুৱক দলটোৰ কথাৰ কটা-কটি হোৱাৰ পিচত পুত্ৰই ৰুদ্ৰ মুৰ্তি ধাৰণ কৰে । অভব্য গালি-গালাজতে ক্ষান্ত নাথাকি শিক্ষক চৌহানে দা লৈ যুৱক দলটো সেই স্থানৰ পৰা খেদি পঠিয়াই । লগতে যুৱক সকলে সেই স্থানত পুথিভঁৰাল গৃহ নিৰ্মাণৰ বাবে যোগাৰ কৰি থোৱা বালি-টিং অনান্য সামগ্ৰী লণ্ড-ভণ্ড কৰে ।
স্থানীয় যুৱকসকলে জনোৱা মতে আন কিছু সামগ্ৰী যশোযন্ত চৌহানে নিজ ঘৰলৈ লৈ যায় । যুৱকসকলে এটা পুথিভঁৰাল আৰু সমপীৰ ৱঙ্কটেশ্বৰ প্ৰাথমিক বিদ্যালয় গৃহ নিৰ্মাণ কৰিবলৈ আগ-ভাগ লোৱা যুৱকসকলক কৰা আভব্য আচৰণত ক্ষোভিত হৈ যুৱক সকলে সাতত্ৰিশ নং ৰাষ্ট্ৰীয় ঘাই পথ অৱৰোধ কৰে । স্থানীয় পঞ্চায়ত প্ৰতিনিধিয়ে বিষয়টো শীঘ্ৰে নিষ্পত্তি কৰাৰ আশ্বাস দিয়াৰ ফলত পৰাস্থিতি শাম কাটে ।
চৰকাৰী ভূমি বেদখল কৰাক লৈ উত্তেজনা, ৰাজপথ অৱৰোধ তাৰ পিছতেই দ্বাৰ বাগৰি জিলা পৰিষদৰ সদস্য জিতেনজিৎ গড়, জখলাবন্ধা গাঁও পঞ্চায়তৰ সভানেত্ৰী তৃষাৰাণী শইকীয়া আৰু গাঁও সভাৰ সদস্য বিজয় কুমাৰ চৌহানৰে আলোচনাত মিলিত হৈ যশোমন্ত চৌহানে অবৈধভাৱে দখল কৰা ভূমি শীঘ্ৰেই চৰকাৰী পক্ষৰ প্ৰত্যক্ষ সহযোগত দখলমুক্ত কৰা হ'ব বুলি যুৱকসকলক প্ৰতিশ্ৰুতি দিয়ে । স্থানীয় ৱঙ্কটেশ্বৰ প্ৰাথমিক বিদ্যালয়ত বৃদ্ধি পোৱা ছাত্ৰ-ছাত্ৰীৰ প্ৰতি লক্ষ্য ৰখি পূৰ্ৱতে চৰকাৰী ভূমিত বিদ্যালয় গৃহ স্থাপনৰ যো-জা কৰিছিল যদিও সেই একে গৰাকী ব্যক্তিয়ে বিধি-পথালি দি অহাৰ অভিযোগ উত্থাপিত হৈছে ৷
লগতে পঢ়কঃচিৰাঙত বিপিএফ দলৰ গুদামঘৰত আৰক্ষীৰ অভিযান
