পৰীক্ষাৰ ফলাফল লৈ ওভতাৰ পথত ছাত্ৰক আক্ৰমণ !

উল্লেখ্য যে অতি পিছপৰা অঞ্চলৰ ছাত্ৰ আশ্বিকুল আলমক এনেদৰে দিন দুপৰতে মাৰপিট কৰা ঘটনাক বিভিন্ন ছাত্ৰ সংগঠন আৰু স্থানীয় ৰাইজে ধিক্কাৰ দিয়াৰ লগতে ঘটনাৰ তদন্তৰ দাবী তুলিছে সচেতন মহলে ।

নগাঁও, ২৬ মেঃ নগাঁৱৰ টুকটুকীত চাঞ্চল্যকৰ ঘটনা । উচ্চতৰ মাধ্যমিক পৰীক্ষাৰ ফলাফল লৈ ওভতাৰ পথত ছাত্ৰক আক্ৰমণ ।

নগাঁৱৰ বটদ্ৰৱাৰ সমীপৱৰ্তী টুকটুকীত উচ্চতৰ মাধ্যমিক চূড়ান্ত পৰীক্ষাৰ ফলাফলৰ দিনাই এজন ছাত্ৰক মাৰপিট কৰা ঘটনাই অঞ্চলটোত চাঞ্চল্যৰ সৃষ্টি কৰিছে । বৰচিলাস্থিত কনপাই বৰদলৈ কলেজৰ পৰা শনিবাৰে ঘোষিত উচ্চতৰ মাধ্যমিক চূড়ান্ত পৰীক্ষাত বিজ্ঞান শাখাত প্ৰথম বিভাগত উত্তীৰ্ণ হোৱা আশ্বিকুল আলম নামৰ ছাত্ৰজনে পৰীক্ষাৰ ফলাফল লৈ জাজৰি-ধিং সংযোগী গড়কাপ্তানী পথৰে ঘৰলৈ আহি থাকোতে টুকটুকীত চাৰিজন দুৰ্বৃত্তই প্ৰহাৰ কৰে । সংকটজনক অৱস্থাত স্থানীয় লোকে ছাত্ৰ জনক উদ্ধাৰ কৰি ধিং প্ৰাথমিক স্বাস্থ্য কেন্দ্ৰত ভৰ্তি কৰায় ।

ইফালে ঘটনা সংক্ৰান্তত ছাত্ৰ জনে ন্যায় বিচাৰি আহোম গাওঁ আৰক্ষী চকীত এজাহাৰ দাখিল কৰিছে । আৰক্ষীয়ে ছাত্ৰ গৰাকীৰ এজাহাৰ ভিত্তিত আৰম্ভ কৰিছে তদন্ত । উল্লেখ্য যে অতি পিছপৰা অঞ্চলৰ ছাত্ৰ আশ্বিকুল আলমক এনেদৰে দিন দুপৰতে মাৰপিট কৰা ঘটনাক বিভিন্ন ছাত্ৰ সংগঠন আৰু স্থানীয় ৰাইজে ধিক্কাৰ দিয়াৰ লগতে ঘটনাৰ তদন্তৰ দাবী তুলিছে সচেতন মহলে । যদিও কিহৰ বাবে এই ঘটনা সংঘটিত হ'ল সেয়া এতিয়াও জানিব পৰা হোৱা নাই ৷

লগতে আন এটা বাতৰি - ৰঙাপৰাত ভায়েকে হত্যা কৰিলে ককায়েকক