সমৰ্থকৰ অভাৱ জিতু গোস্বামীৰ ! চাইকেল ৰেলীত শিক্ষাৰ্থী

অগপৰ দূৰ্গ বঢ়মপুৰত টিকট লাভ কৰি বিজেপি প্ৰাৰ্থী জিতু গোস্বামীয়ে মন্ত্ৰী হিমন্ত বিশ্ব শৰ্মাক অনুসৰণ কৰি পঞ্চায়তে পঞ্চায়তে বাহিৰ কৰিছে চাইকেল ৰেলী । সমৰ্থকৰ অভাৱত অষ্টম-নৱম শ্ৰেণীৰ ছাত্ৰক ব্যৱহাৰ কৰিছে চাইকেল ৰেলীত ।

বঢ়মপুৰ,১৬ মাৰ্চ: ৰাজ্যত তুংগত উঠিছে নিৰ্বাচনী প্ৰচাৰ ৷ ৰাজনৈতিক দলসমূহে বিভিন্ন কৌশলৰে ভোটাৰৰ মন জয় কৰাৰ চেষ্টা কৰিছে ৷ অগপৰ দূৰ্গ বঢ়মপুৰত টিকট লাভ কৰি বিজেপি প্ৰাৰ্থী জিতু গোস্বামীয়ে মন্ত্ৰী হিমন্ত বিশ্ব শৰ্মাক অনুসৰণ কৰি পঞ্চায়তে পঞ্চায়তে বাহিৰ কৰিছে চাইকেল ৰেলী ।

ইফালে সমৰ্থকৰ অভাৱত অষ্টম-নৱম শ্ৰেণীৰ ছাত্ৰক ব্যৱহাৰ কৰিছে চাইকেল ৰেলীত । বিগত বিধান সভা নিৰ্বাচনত চামগুৰি সমষ্টিৰ পৰা মুখ থেকেচা খাই এইবাৰ বঢ়মপুৰ সমষ্টিৰ পৰা নিৰ্বাচন খেলিবলৈ আগবাঢ়িছে গোস্বামীয়ে । পৰিৱৰ্তন আৰু উন্নয়নৰ গীতৰ মাজেৰে নগণ্য সংখ্যক বিজেপি কৰ্মীৰ সহযোগত দেৱনাৰিকলি আৰু নিজ কামপুৰ পঞ্চায়তত জিতু গোস্বামীয়ে উলিয়ালে চাইকেল ৰেলী ।

কামপুৰৰো বিভিন্ন স্থানত জিতু গোস্বামীয়ে চাইকেল চলাই ভোটাৰৰ মন জয় কৰিবলৈ চেষ্টা অব্যাহত ৰাখিছে ৷ এই ৰেলীত অংশগ্ৰহণ কৰিছ ভোটাৰ তালিকাত নাম অন্তৰ্ভুক্ত নোহোৱা অষ্টম-নৱম শ্ৰেণীৰ ছাত্ৰই ।

জিতু গোস্বামীৰ প্ৰচাৰত অংশ লোৱা সমৰ্থকৰ সংখ্যা দেখাৰ পিছত এতিয়া সকলোৰে প্ৰশ্ন বঢ়মপুৰ সমষ্টিত জয়ী হ'ব পাৰিবনে জিতু গোস্বামী । অৱশ্যে সেয়া নিৰ্বাচনৰ ফলাফলতহে স্পষ্ট হ'ব ৷

লগতে পঢ়ক:ড্ৰাগছৰ বিৰুদ্ধে বৰপেটা আৰক্ষীৰ অভিযান