কলিয়াবৰৰ বিশিষ্ট শিল্পী যোগেন বৰদলৈলৈ শিল্পী পেঞ্চন

ৰাজ্য চৰকাৰে সংগীত পৰিচালক যোগেন বৰদলৈলৈ আগবঢ়াইছে শিল্পী পেঞ্চন ৷

কলিয়াবৰ,15আগষ্ট : সংগীত পৰিচালক যোগেন বৰদলৈলৈ ৰাজ্য চৰকাৰৰ শিল্পী পেঞ্চন ৷ থিয়েটাৰ ভ্ৰাগ্যদেৱীৰ দ্বাৰা সংগীতৰ যাত্ৰা আৰম্ভ কৰা ব্যক্তিজনে জ্যোতিৰূপা,শৰাইঘাট আদি ভ্ৰাম্যমাণ থিয়েটাৰত 16 বছৰ ধৰি কাম কৰিছিল ৷ যোগেন বৰদলৈয়ে ''সূৰ্যাস্তৰ পিনে ধাৱমান কিয়" নামৰ শ্ৰব্যত সংগীত পৰিচালকৰ দায়িত্ব লৈ কলিয়াবৰক একক ৰূপত তুলি ধৰিছিল সমগ্ৰ অসমৰ সন্মুখত ৷ ১৬ বছৰে আকাশবাণী গুৱাহাটীৰ সংগীত শিল্পী হিচাপে কাম কৰা সংগীত পৰিচালকজন এতিয়া ব্যস্ত বহু ছাত্ৰ-ছাত্ৰীক গীতৰ শিক্ষা প্ৰদান কৰাত ৷ ইফালে,সুৰকাৰ-পৰিচালক গৰাকীয়ে অসম চৰকাৰৰ শিল্পী পেঞ্চন লাভ কৰাত কৃতজ্ঞতা জ্ঞাপন কৰিছে চৰকাৰক ৷