নগাঁও, 14 নবেম্বৰ :শৰৎ কালৰ ৰাত্ৰী অতি বিতোপন, ৰাস ক্ৰীড়া কৰিতে কৃষ্ণৰ হৈল মন ৷ এতিয়া শৰৎ কাল ৷ শাৰদীয় দুৰ্গোৎসৱৰ পাচতেই আৰম্ভ হয় ৰাসৰ বতৰ ৷ গাঁৱে-ভূঞে ৰজনজনাই থাকে খোল-তালৰ শব্দত । কিন্তু এইবাৰ যেন ম্লান পৰিছে ৰাসৰ উছাহ ৷ ক’ভিড-19ৰ বাবে পূৰ্বৰ দৰে জনবহুলভাৱে ৰাস পালনত কিছু যতি পৰা পৰিলক্ষিত হৈছে ৷ তাৰ মাজতো শ্ৰী কৃষ্ণ ৰাসলীলা উপলক্ষে ক’ভিড প্ৰট’কল ৰক্ষা কৰি প্ৰস্তুতি চলিছে গাঁৱে-ভূঞে। নগাঁও জিলাৰ গুৰুজনাৰ জন্মস্থান বটদ্ৰৱাৰ গাতে লাগি থকা ৰাইডঙীয়া ৰজাগাঁও অঞ্চলতো জীয়ৰী, বোৱাৰী সকলে চলাইছে ৰাসৰ প্ৰস্তুতি ।
ৰাসৰ আখাৰাত ব্য়স্ত ৰাইডঙীয়াৰ যুৱতী-বোৱাৰী