নগাঁও, 14 আগষ্ট : দেশৰ 75 তম স্বাধীনতা দিৱস উদযাপনৰ লগত সংগতি ৰাখি নগাঁও জিলা প্ৰশাসন আৰু জিলা স্বাস্থ্য বিভাগে গ্ৰহণ কৰিছে এক বিশেষ টীকাকৰণ অভিযান ৷ অভিযানৰ অংশস্বৰূপে জিলাখনৰ 18 বছৰৰ উৰ্ধৰ নাগৰিকসকলৰ মাজত ক'ভিডৰ প্ৰথম পালি আৰু দ্বিতীয় পালি টীকা প্ৰদান কৰিব নগাঁও জিলা প্ৰশাসনে ৷ জিলাখনৰ কেইবাটাও ক'ভিড টীকাকৰণ কেন্দ্ৰত 15 আগষ্ট তাৰিখে পুৱা 11 বজাৰ পৰা বিয়লৈ 4 বজালৈ টীকা প্ৰদান কৰা হ'ব।
ইতিমধ্যেই প্ৰশাসনে জনোৱা মতে, কলিয়াবৰ মহকুমাৰ অন্তৰ্গত জখলাবন্ধা হাইস্কুল আৰু নলতলী এম.পি.এইছ.চি আৰু নগাঁও চহৰ এলেকাৰ নগাঁও মহাবিদ্যালয় আৰু মাৰোৱাৰী পঞ্চায়ত ভৱনৰ ক'ভিড টীকাকৰণ কেন্দ্ৰত এই টীকা প্ৰদান কৰা হ'ব ।