বটদ্ৰৱাৰ ফেচবুক কাণ্ড সন্দৰ্ভত সংবাদ মেল নগাঁও আৰক্ষী অধীক্ষকৰ

শনিবাৰে বটদ্ৰৱাৰ ফেচবুক কাণ্ড সন্দৰ্ভত আৰক্ষী অধীক্ষকৰ সংবাদ মেল । কোনো দুষ্কৃতিকাৰীয়ে সংঘটিত কৰিছিল এনে কাৰ্য্য । আৰক্ষী থানাত ৰুজু হৈছে দুটাকৈ গোচৰ ।

নগাঁও, 16 জুনঃ এটা ফেচবুক পেজৰ বহুকেইটা বিতৰ্কিত পষ্টে ইতিমধ্যেই ৰাজ্যত তীব্ৰ প্ৰতিক্ৰিয়াৰ সৃষ্টি কৰাৰ পিছতেই নগাঁও আৰক্ষী অধীক্ষক শংকৰ ব্ৰত ৰায় মেধিৰ সংবাদ মেল । আৰক্ষীয়ে ইতিমধ্যে ফেচবুক পেজটো ব্লক কৰিছে বুলি জানিবলৈ দি দুষ্কৃতিকাৰীৰ বিৰুদ্ধে বিহিত ব্যৱস্থা লোৱাৰ কথা উল্লেখ কৰে অধীক্ষকজনে ৷ অৱশ্যে এই বিতৰ্কিত পেজটোৰ লগত নগাঁও-বটদ্ৰৱা অথবা ৰাজ্যৰ কোন ব্যক্তি জড়িত আছে সেই সম্পৰ্কে বৰ্তমান লৈকে জানিব পৰা হোৱা নাই বুলি উল্লেখ কৰে মেধিয়ে ।

বটদ্ৰৱা সংখ্যালঘু যুৱ মঞ্চ নামৰ পেজটোত প্ৰথমে হিন্দু ধর্মৰ সন্দৰ্ভত বহু আপত্তিজনক মন্তব্য কৰাৰ লগতে নগ্ন কাপোৰ ফেচন হলে ধৰ্ষণ শাৰীৰিক ব্যায়াম বুলি পষ্ট কৰা হৈছিল । তাৰ পাচতেই জাঙুৰ খাই উঠিছিল বিভিন্ন দল সংগঠন । এই ঘটনা সন্দৰ্ভত নগাঁও সদৰ আৰু বটদ্ৰৱা আৰক্ষী থানাত পৃথকে পৃথকে দুটাকৈ গোচৰ ৰুজু কৰি নগাঁও আৰক্ষীয়ে আৰম্ভ কৰিছিল তদন্ত । আৰক্ষীয়ে ইতিমধ্যে পেজটো ব্লক কৰি তদন্ত অব্যাহত ৰাখিছে ।