নগাঁও,20মে':ডিব্ৰুগড়ৰ জানমণিৰ কথা নিশ্চয় সকলোৰে মনত আছে ৷ ই টিভি ভাৰতত বাতৰি সম্প্ৰচাৰ হোৱাৰ পিছতে জানমণিক সহায়ৰ বাবে আগবাঢ়ি আহিছিল ডিব্ৰুগড় জিলাৰ আৰক্ষী প্ৰশাসনৰ লগতে বহু অনুষ্ঠান-প্ৰতিষ্ঠান৷ ঠিক একেদৰে ই টি ভি ভাৰতত বাতৰি সম্প্ৰচাৰ হোৱাৰ পিছতে এইবাৰ নগাঁওৰ কিৰণৰ মুখত বিৰিঙিল এটুকুৰা হাঁহি ৷যি সময়ত কিৰণৰ পখিলা খেদাৰ বয়স সেই সময়ত দৰিদ্ৰ পৰিয়ালৰ সন্তান 12 বছৰীয়া কিৰণ নামি পৰিছে কঠোৰ জীৱন সংগ্ৰামত ৷কিৰণৰ মাতৃয়ে দিন হাজিৰা কৰি পৰিয়াল পোহ পাল দিয়াৰ লগতে কিৰণৰ শিক্ষাৰ খৰচৰ ব্যৱস্থা কৰাৰ বাবে আত্মীয়ৰ ঘৰতে থাকি লৈছিল যাৰ পৰিপ্ৰেক্ষিতিত সপ্তম শ্ৰেণীত অধ্যয়ণৰত কিৰণে আত্মীয়ৰ এটা চিলাই মেচিনত মাস্ক প্ৰস্তুত কৰি বিক্ৰী কৰি পৰিয়ালৰ সমস্ত দায়িত্বৰ লগতে ৰোগীয়া পিতৃৰ চিকিৎসা আৰু ঔষধৰ দায়িত্বও কান্ধ পাতি লৈছিল ৷
ই টিভি ভাৰতৰ বাতৰিৰ প্ৰভাৱ