কলিয়াবৰত ধুমুহাঃ শিলঘাট টাউন-গুৱাহাটী পেচেঞ্জাৰৰ ৰেল যাত্ৰা ব্যাহত

প্ৰচণ্ড ধুমুহাৰ বাবে শালানত ৰে'ল পথৰ ওপৰত বাগৰি পৰিল বৃহৎ গছ ৷ ৰে'ল কৰ্তৃপক্ষই কোনো ব্যৱস্থা নোলোৱাৰ অভিযোগ ৷

কলিয়াবৰ ,17 এপ্ৰিলঃপুৱতি নিশা অহা এক প্ৰচণ্ড ধুমুহাই কঁপাই গ'ল সমগ্ৰ ৰাজ্য ৷ এই ধুমুহাৰ ফলত শিলঘাট-গুৱাহাটী ৰে'ল পথৰ শালান ৰে'ল ষ্টেচনৰ সমীপৰ শালবাৰীত এডাল বৃহদাকাৰৰ গছ বাগৰি পৰে ৷

যাৰ বাবে ৰে'ল যাত্ৰা ব্যাহত হৈ পৰে ৷ ৰে'ল যাত্ৰা ব্যাহত হোৱাৰ ফলত শিলঘাট মেলাৰ পৰা অহা যাত্ৰীৰ লগতে নিৰ্বাচনৰ দায়িত্বত থকা বিষয়া-কৰ্মচাৰী সকলে বহু অসুবিধাৰ সন্মুখীন হ'ব লগীয়া হয় ৷ বৰ্তমানেও ৰে'ল পথৰ পৰা বৃহৎ গছডাল আতৰাব পৰা নাই ৷