নগাঁও, 24 জানুৱাৰী : বিগত কিছুদিনৰ পৰা প্ৰয়াত প্ৰাক্তণ মুখ্যমন্ত্ৰী তৰুণ গগৈৰ চিতাভস্ম অসমৰ ইমূৰৰ পৰা সিমূৰলৈ যাত্ৰা কৰোৱা হৈছে ৷ ৰাজ্যৰ প্ৰান্তে প্ৰান্তে আয়োজন কৰা হৈছে সৰ্বধৰ্মীয় প্ৰাৰ্থনা তথা শ্ৰদ্ধাঞ্জলি অনুষ্ঠান ৷
ৰূপহীহাটত প্ৰয়াত মখ্যমন্ত্ৰীৰ আদ্যশ্ৰাদ্ধ আজি পুনৰ ৰূপহীহাটত প্ৰয়াত মুখ্যমন্ত্ৰী তৰুণ গগৈৰ আদ্যশ্ৰাদ্ধৰ আয়োজন কৰা হয় ৷ শ্ৰাদ্ধত উপস্থিত থাকে পুত্ৰ তথা সাংসদ গৌৰৱ গগৈ ৷ প্ৰয়াত প্ৰাক্তন মুখ্যমন্ত্ৰী তৰুণ গগৈৰ আদ্যশ্ৰাদ্ধ আজি দিনযোৰা কাৰ্য্যসূচীৰে ৰূপহীহাটৰ চতিয়ন গাঁও পঞ্চায়তৰ খেল পথাৰত অনুষ্ঠিত কৰা হয় । চতিয়ান গাওঁ পঞ্চায়তৰ খেল পথাৰত অনুষ্ঠিত হোৱা সৰ্বধৰ্মীয় প্ৰাৰ্থনা সভাত সাংসদ গৌৰৱ গগৈৰ লগতে বিধায়ক নুৰুল হুদাইয়ো অংশ গ্ৰহণ কৰে ৷
ৰূপহীহাটত প্ৰয়াত মখ্যমন্ত্ৰীৰ আদ্যশ্ৰাদ্ধ অনুষ্ঠানৰ আৰম্ভণিতে প্ৰয়াত মূখ্যমন্ত্ৰী গৰাকীৰ ছবিত পুষ্পাঞ্জলীৰে তেখেতৰ আত্মাৰ চিৰ শান্তিৰ বাবে প্ৰাৰ্থনা জনোৱা হয় ৷ তাৰ পাছতেই প্ৰয়াত তৰুণ গগৈৰ আত্মাৰ সদগতিৰ বাবে সৰ্বধৰ্মীয় প্ৰাৰ্থনাৰ আয়োজন কৰা হয় ।
ৰূপহীহাটত প্ৰয়াত মখ্যমন্ত্ৰীৰ আদ্যশ্ৰাদ্ধ কীৰ্ত্তন পাঠৰ পাছতেই কোৰান পাঠ কৰি প্ৰয়াত তৰুণ গগৈৰ আত্মাৰ সদগতিৰ বাবে ভগৱানৰ ওচৰত প্ৰাৰ্থনা জনোৱা হয় । ইপিনে এই অনুষ্ঠানত বড়ো জনগোষ্ঠীয় লোক সকলেও শ্ৰদ্ধা নিবেদন কৰে ৷ ৰূপহীহাটৰ কংগ্ৰেছী বিধায়কৰ লগতে বহুতো কংগ্ৰেছী নেতা কৰ্মী তথা প্ৰয়াত তৰুণ গগৈৰ বহুজন গুণমুগ্ধই উক্ত অনুষ্ঠানত অংশ গ্ৰহণ কৰি তেখেতলৈ শ্ৰদ্ধাঞ্জলী জ্ঞাপন কৰে ৷
লগতে পঢ়ক:জীৱন নাটৰ যৱনিকা পৰিল নাট্যকাৰ সেৱাব্ৰত বৰুৱাৰ
