ৰেৱতী মোহন বৰঠাকুৰ সামাজিক ন্যাসৰ অধীনত কলিয়াবৰত ছেনিটাইজেছন

বৰ্তমান ক'ভিড-১৯ ৰ সংক্ৰমণ ৰোধৰ বাবে চৰকাৰে বিভিন্ন ব্যৱস্থা গ্ৰহণ কৰিছে । সমান্তৰালকৈ সংক্ৰমণ ৰোধৰ বাবে আৰু মহামাৰী সন্দৰ্ভত সজাগতা সৃষ্টিৰ বাবে বিভিন্ন দল-সংগঠনেও কেতবোৰ গুৰুত্বপূৰ্ণ পদক্ষেপ গ্ৰহণ কৰিছে । মঙলবাৰে নগাঁৱৰ কামপুৰ আৰু কঠীয়াতলীৰ বিভিন্ন ঠাই ছেনিটাইজ কৰে স্বৰ্গীয় ৰেৱতী মোহন বৰঠাকুৰ সামাজিক ন্যাসে ৷

বঢ়মপুৰ,৮ জুন: কৰ'ণাৰ গ্ৰাসৰ পৰা ৰক্ষা পৰিবলৈ সাৱধানতামূলকভাৱে এতিয়া মাস্ক, ছেনিটাইজাৰ ব্যৱহাৰ কৰাতো আৱশ্যকীয় হৈ পৰিছে । সংক্ৰমণ ৰোধৰ বাবে বিভিন্ন অনুষ্ঠান, ব্যৱসায়িক প্ৰতিষ্ঠান ছেনিটাইজ কৰাৰ ব্যৱস্থা কৰিছে সচেতন লোকসকলে । নগাঁৱৰ বিভিন্ন স্থান ছেনিটাইজ কৰাৰ কাৰ্যসূচী গ্ৰহণ কৰে স্বৰ্গীয় ৰেৱতী মোহন বৰঠাকুৰ সামাজিক ন্যাসে । বিজেপি মণ্ডল যুৱ কমিটিৰ সৌজন্যত আৰু স্বৰ্গীয় ৰেৱতী মোহন বৰঠাকুৰ সামাজিক ন্যাসৰ উদ্যোগত কামপুৰ আৰু কঠীয়াতলীৰ বিভিন্ন ঠাই ছেনিটাইজ কৰা হয় ।

কামপুৰ বজাৰ, চিকিৎসালয়, পৌৰসভাৰ লগতে আন কেইবাটাও চৰকাৰী কাৰ্যালয়, কঠীয়াতলীৰ দৈনিক বজাৰ, আৰক্ষী চকী, বেংক আদিও ছেনিটাইজ কৰা হয় । এই ছেনিটাইজেছন কাৰ্যসূচীত স্বৰ্গীয় ৰেৱতী মোহন বৰঠাকুৰৰ পুত্ৰ বিভূতি ভূষণ বৰঠাকুৰৰ লগতে বিজেপি মণ্ডল যুৱ কমিটিৰ সদস্যসকল উপস্থিত থাকে । বিভূতি বৰঠাকুৰৰ এই কাৰ্যৰ সকলোৱে শলাগ লৈছে ।

লগতে পঢ়ক: চিৰাঙত দ্বাদশ শ্ৰেণীৰ বিনামূলীয়া পাঠ্যপুথি বিতৰণ কাৰ্যসূচীৰ শুভাৰম্ভ