কলিয়াবৰ, 21 ডিচেম্বৰঃ ভাৰতৰ সাহিত্য ক্ষেত্ৰত আগবঢ়োৱা এক সন্মানীয় বঁটা হ’ল সাহিত্য অকাডেমী বঁটা ৷ কিন্তু এই বঁটা প্ৰদানৰ পিছতেই চেগা-চেৰোকাকৈ বাচনিৰ ক্ষেত্ৰত সময়ে সময়ে বিভিন্ন আলোচনা-সমালোচনাৰ সন্মুখীন হৈ আহিছে বঁটা বাচনি সমিতি ৷ এই বৰ্ষৰ সাহিত্য অকাডেমী বঁটা প্ৰদনাতো ব্যাপক বিসংগতিৰ অভিযোগ উত্থাপন কৰিছে বঁটা বাচনি সমিতি অসমীয়া ভাষা পৰামৰ্শ সমিতিৰ সদস্য অৰিন্দম বৰকটকীয়ে ৷ ই টিভি ভাৰতৰে সৈতে হোৱা এক বাৰ্তালাপত অৰিন্দম বৰকটকীয়ে পৰামৰ্শ সমিতিৰ আন এজন সদস্য পিকুমণি দত্তই তথ্য জনা অধিকাৰ আইনৰ জৰিয়তে বঁটা প্ৰদানত হোৱা বিসঙ্গতিৰ সত্যতা উদ্ঘাটনৰ বাবে সাজু হৈছে বুলি প্ৰকাশ কৰে ।
অৰিন্দম বৰকাকটীয়ে প্ৰকাশ কৰা অনুসৰি ড৹ জয়শ্ৰী গোস্বামী মহন্তৰ নাম যোৱা বেলি আগবঢ়োৱা সাহিত্য অকাডেমী বঁটাৰ প্ৰাৰম্ভিক বাচনি তালিকাত আছিল যদিও এইবেলি বাচনি তালিকাত নাই ৷ তাৰ পিচতো বাচনিৰ তৃতীয় তালিকাত তিনিখন গ্ৰন্থৰে স্থান লাভ কৰি বঁটা লাভ কৰা বিষয়টো এক গভীৰ ৰহস্যৰ সন্দেহ ঘনীভূত হৈছে বুলি অভিযোগ কৰে বৰকটকীয়ে ৷