লংকাত ব্যৱসায়ী মহলৰ পথ অৱৰোধ

লংকাৰ চহৰৰ বজাৰৰ পথৰ জৰাজীৰ্ণ অৱস্থাৰ বাবে পথলৈ উলাই আহি বজাৰলৈ যোৱা পথ অৱৰোধ কৰে সমূহ ব্যৱসায়ীয়ে

হোজাই, 9 জুলাই : হোজাই জিলাৰ অন্যতম ব্যৱসায়ী কেন্দ্ৰ হল লংকা চহৰ | কিন্তু লংকা চহৰৰ বজাৰৰ বাট পথৰ অৱস্থা অতি জৰাজীৰ্ণ | মংগলবাৰে সন্ধিয়া সমূহ ব্যৱসায়ীয়ে নিমাৰ্ণৰ দাবীত পথলৈ উলাই আহি বাহ বান্ধি অৱৰোধ কৰে লংকা মাছ বজাৰলৈ যোৱা পথ ৷ প্ৰতিবাদীসকলে লংকা পৌৰ সভা মূৰ্দাৱাদ, বিজু ভট্টাচাৰ্য্য মূৰ্দাৱাদ আদি ধন্নীৰে উত্তাল কৰে প্ৰতিবাদস্থলী ৷ ব্যৱসায়ী সকলে বহু দিন ধৰি পৌৰপতিক বাট পথৰ দূৰৱস্থাৰ বিষয়ে আবেদন দিছিল যদিও কোনো ব্যৱস্থা গ্ৰহণ নকৰিলে পৌৰ সভাই ৷