বঢ়মপুৰ,27 ছেপ্তেম্বৰ:নগাঁও জিলাৰ কামপুৰ-বৈঠালাংছ’ সংযোগী পথত দেওবাৰে সংঘটিত হয় এক ভয়ংকৰ পথ দুৰ্ঘটনা ৷ স্কুটি আৰু ট্ৰেক্টৰৰ মাজত হোৱা মুখামুখি সংঘৰ্ষৰ ফলত থিতাতে নিহত হয় স্কুটি আৰোহীগৰাকী ৷ নিহত লোকগৰাকী জিলাখনৰে চৰাইহাগীৰ নকুল বৰ্মন বুলি চিনাক্ত কৰা হৈছে ৷ ইপিনে দুৰ্ঘটনাটো সংঘটিত কৰিয়ে পলায়ন কৰা ট্ৰেক্টৰখনৰ চালকক খেদি খেদি কৰায়ত্ত কৰে ৰাইজে ৷ কামপুৰ-বৈঠালাংছ’ সংযোগী পথত থকা দক্ষিণ কামপুৰ হাইস্কুলৰ সন্মুখত এই দুৰ্ঘটনা সংঘটিত হয় ৷ দুৰ্ঘটনাগ্ৰস্ত স্কুটিখনৰ নম্বৰ হৈছে এএছ 02 জেদ 8885 ৷