ৰহাত পথ দুৰ্ঘটনা, নিহত ২

AS-01-GC-2933 নম্বৰৰ নগাঁও গুৱাহাটী অভিমুখী নেটৱৰ্ক ট্ৰেভেলচৰ নৈশ বাছখনৰ যান্ত্ৰিক বিজুটি হোৱাত চালক আৰু হেন্দিমেনে মিলি মেৰামতি কৰি থকাৰ সময়ত একে দিশৰ পৰা গৈ থকা এখন মালবাহী ট্ৰাকে পচণ্ড জোৰে বাছখনৰ পিছফালে খুণ্ডা মাৰে

নগাঁও, 12 জুলাইঃ ৰহাত ভয়াবহ পথ দুৰ্ঘটনাত ৷ থিতাতে নিহত ২ জন । গুৰুতৰভাৱে আহত ৩ জন । নগাঁও জিলাৰ ৰহা আৰক্ষী থানাৰ ফুলগুৰি ৰাষ্ট্ৰীয় 37 নং ঘাইপথত শুকুৰবাৰে পুৱা সংঘটিত হয় ভয়ংকৰ পথ দুৰ্ঘটনা । ঘটনাৰ বিবৰণী অনুসৰি, AS-01-GC-2933 নম্বৰৰ নগাঁও গুৱাহাটী অভিমুখী নেটৱৰ্ক ট্ৰেভেলচৰ নৈশ বাছখনৰ যান্ত্ৰিক বিজুটি হোৱাত চালক আৰু হেন্দিমেনে মিলি মেৰামতি কৰি থকাৰ সময়ত একে দিশৰ পৰা গৈ থকা এখন মালবাহী ট্ৰাকে পচণ্ড জোৰে বাছখনৰ পিছফালে খুণ্ডা মাৰে । ফলত মেৰামতিত ব্যস্ত বাছখনৰ চালক-হেন্দিমেন দুয়ো থিতাতে নিহত হয় আৰু দুজন গুৰুতৰ ভাৱে আহত হয় । দুৰ্ঘটনা সংঘটিত কৰি ট্ৰাকখন লগে লগে পলায়ন কৰে । ঘটনাৰ খবৰ লাভ কৰি ৰহা আৰক্ষী ঘটনাস্থলীত উপস্থিত হৈ আহত দুজনক নগাঁও চিকিৎসালয়লৈ প্ৰেৰণ কৰে ।