কলিয়াবৰ, 30 এপ্ৰিল:কলিয়াবৰত শুকুৰবাৰে পুৱতি নিশা সংঘটিত হয় এক ভয়ংকৰ পথ দুৰ্ঘটনা ৷ কলিয়াবৰৰ গোমোঠা গাঁৱৰ 37 নং ৰাষ্ট্ৰীয় ঘাইপথত সংঘটিত হোৱা এই ভয়ংকৰ পথ দুৰ্ঘটনাত থিতাতে নিহত হয় ট্ৰাকখনৰ চালক চৈতন্য দাস ৷ চৈতন্য দাসৰ ঘৰ কৰিমগঞ্জ বুলি জানিব পৰা গৈছে।
কলিয়াবৰৰ পথ দুৰ্ঘটনাত থিতাতে নিহত ট্ৰাক চালক
উল্লেখ্য যে, যোৰহাটৰ পৰা গুৱাহাটী অভিমুখী AS-01-3360 নম্বৰৰ এখন কণ্টেইনাৰ বাহন আৰু গুৱাহাটীৰ পৰা যোৰহাট অভিমুখী AS-01-LC-4058 নম্বৰৰ ট্ৰাকখনৰ মাজত মুখামুখি সংঘৰ্ষ হোৱাৰ ফলতেই দুৰ্ঘটনা সংঘটিত হোৱা বুলি প্ৰকাশ কৰিছে কলিয়াবৰ আৰক্ষীয়ে ।