কলিয়াবৰ, 19 ছেপ্তেম্বৰ : দীৰ্ঘদিনৰ পিছত খুলিছে ৰাজ্যৰ শিক্ষানুষ্ঠানসমূহ । কিয়নো সোমবাৰৰ পৰা ৰাজ্যত আৰম্ভ হৈছে দশম শ্ৰেণীৰ পাঠদান প্ৰক্ৰিয়া । ৰাজ্যৰ বিভিন্ন শিক্ষানুষ্ঠানৰ লগতে কলিয়াবৰৰ চৰকাৰী আৰু ব্যক্তিগত উভয় খণ্ডৰে বিদ্যালয়সমূহত আৰম্ভ হৈছে পাঠদান ৷
পুনৰ খুলিল শিক্ষানুষ্ঠানৰ দুৱাৰ
সম্পূৰ্ণ ক’ভিড বিধি মানি শিক্ষানুষ্ঠানত ইতিমধ্যে আৰম্ভ কৰা হৈছে পাঠদান । দীৰ্ঘদিনে অতিমাৰী ক’ভিড-১৯ ৰ সংক্ৰমণৰ বাবে বন্ধ হৈ আছিল সকলো প্ৰকাৰৰ শিক্ষানুষ্ঠানসমূহ ৷ একপ্ৰকাৰ স্থবিৰ হৈ গৈছিল ৰাজ্যৰ শিক্ষা ব্যৱস্থা । যাৰ বাবে অনলাইনৰ মাধ্যমৰে শিক্ষাদান কাৰ্য চলিছিল ৷ কিন্তু বহুক্ষেত্ৰত অসুবিধাৰ সন্মুখীন হৈছিল শিক্ষাৰ্থীসকল ।