ৰাজেন গোঁহাইৰ কৌশলত পৰাজিত ৰূপক শৰ্মা !

নগাওঁ ক্ৰীড়া সন্থাৰ সভাপতিৰ বাবে অনুষ্ঠিত নহ'ল নিৰ্বাচন । ৰূপক শৰ্মাৰে কৌশলগত বুজাবুজিৰে পুনৰ সভাপতিৰূপে নিৰ্বাচিত হ'ল পূৰ্বৰ সভাপতি তথা প্ৰাক্তন কেন্দ্ৰীয় ৰে'ল ৰাজ্যিক মন্ত্ৰী ৰাজেন গোহাঁই । অন্যান্য পদৰ বাবে অনুষ্ঠিত হল নিৰ্বাচন ।

নগাঁও, 1 ছেপ্তেম্বৰঃ ৰূপক শৰ্মাৰে কৌশলগত বুজাবুজিৰে পুনৰ সভাপতিৰূপে নিৰ্বাচিত হ'ল পূৰ্বৰ সভাপতি তথা প্ৰাক্তন কেন্দ্ৰীয় ৰে'ল ৰাজ্যিক মন্ত্ৰী ৰাজেন গোহাঁই । ক্ৰীড়া সন্থাৰ অন্যান্য সদস্যৰ সৈতে এক আলোচনাত মিলিত হোৱাৰ পাছত একাংশ সদস্যই ৰাজেন গোহাঁই আকৌ এবাৰ সভাপতি হোৱাটো বিচাৰে বুলি জনোৱাত ৰূপক শৰ্মাই সভাপতি পদৰ আসন এৰি দিয়ে ৰাজেন গোহাঁইক । আনহাতে, অন্যান্য পদৰ বাবে অনুষ্ঠিত হোৱা নিৰ্বাচনত সম্পাদক হিচাপে নিৰ্বাচিত হয় প্লাৱন বৰুৱা । একেদৰে উপসভাপতি পদত জীৱন সুৰনা, প্ৰদীপ হাজৰিকা, প্ৰশান্ত কুমাৰ বৰা, ৰবি শংকৰ মজুমদাৰ আৰু তপন কুমাৰ শৰ্মাৰ লগতে ক্ৰীড়া সন্থাৰ যুটীয়া সম্পাদক হিচাপে অসীম ভাওঁৱেল ,প্ৰমোদ কোঠাৰি আৰু সহ সম্পাদক হিচাপে সমীৰ হাজৰিকা আৰু ৰিংকু দাস বিনা প্ৰতিদ্বন্দিতাৰে নিৰ্বাচিত হয় । উল্লেখ্য যে, নগাঁও ক্ৰীড়া সন্থাৰ কাৰ্যকৰী সভাপতিৰ পদত বিনা প্ৰতিদ্বন্দিতাৰে নিৰ্বাচিত হৈছে বিধায়ক ৰূপক শৰ্মা