হিমন্ত বিশ্ব শৰ্মাৰ চাইকেল ৰেলীক তীব্ৰ সমালোচনা ৰাইজৰ দলৰ

মন্ত্ৰী হিমন্ত বিশ্ব শৰ্মাৰ চাইকেল ৰেলী সন্দৰ্ভত ৰাইজৰ দলৰ প্ৰতিক্ৰিয়া ৷ হিমন্ত বিশ্ব শৰ্মাক প্ৰত্যুত্তৰ দলটোৰ কেন্দ্ৰীয় সমিতিৰ সাধাৰণ সম্পাদক গিৰিশংকৰ গোস্বামীয়ে ৷

বঢ়মপুৰ, 3 ফেব্ৰুৱাৰী :সমাগত 2021 চনৰ বিধানসভা নিৰ্বাচন ৷ ৰাজ্যৰ বিভিন্ন প্ৰান্তত শাসকীয় দলে আৰম্ভ কৰিছে ৰাজনৈতিক কুচকাৱাজ ৷ দলৰ প্ৰতিজন নেতাকৰ্মী ব্যস্ত হৈ পৰিছে দলৰ সাংগঠনিক ভেটি দৃঢ় কৰাত ৷ বুধবাৰে নগাঁৱৰ নেহেৰুৱালীত ৰাজনৈতিক সভাত উপস্থিত থাকে মন্ত্ৰী হিমন্ত বিশ্ব শৰ্মা ৷ এক বিশাল চাইকেল ৰেলীত অংশ গ্ৰহণ কৰে মন্ত্ৰী গৰাকী ৷ প্ৰায় 25 কিলোমিটাৰ বাট চাইকেল চলাই নিৰ্বাচনী প্ৰচাৰ চলাই মন্ত্ৰী গৰাকীয়ে ৷

নগাঁৱত হিমন্ত বিশ্ব শৰ্মাৰ ৰেলী

ইফালে, মন্ত্ৰী হিমন্ত বিশ্বৰ চাইকেল ৰেলী সন্দৰ্ভত প্ৰতিক্ৰিয়া প্ৰকাশ কৰিছে ৰাইজৰ দলে ৷ দলটোৰ কেন্দ্ৰীয় সমিতিৰ সাধাৰণ সম্পাদক গিৰিশংকৰ গোস্বামীয়ে বিগত 5 বছৰত নগাঁৱত কোনো ধৰণৰ উন্নয়ন নকৰাৰ অভিযোগ উত্থাপন কৰিছে ৷ ৰহাৰ পৰা এইমচ কাঢ়ি নি নিজৰ সমষ্টিত স্থাপন কৰিলে ৷ বামুনী মিকিৰ গ্ৰান্টত কৃষকে প্ৰতিবাদ সাব্যস্ত কৰিছে ৷ সাহস আছে যদি সেই সকল কৃষকৰ সন্মুখৰে চাইকেল চলাই যাবলৈ হিমন্ত বিশ্ব শৰ্মাক প্ৰত্যুত্তৰ জনালে গিৰিশংকৰ গোস্বামীয়ে ৷

আনহাতে, তেওঁ আকৌ কয় যে, পেট্ৰ'লৰ দাম শতকৰ দিশে নি এতিয়া চাইকেল চলাই ভোটাৰৰ মন জয় কৰাৰ চেষ্টা চলাইছে হিমন্ত বিশ্ব শৰ্মাই ৷ মন্ত্ৰী গৰাকীৰ চলাহী কথাত নগাঁৱৰ জনসাধাৰণ বিপথে পৰিচালিত নহ'য় বুলিও মন্তব্য কৰে ৰাইজৰ দলৰ সাধাৰণ সম্পাদক গৰাকীয়ে ৷

নগাঁৱত হিমন্ত বিশ্ব শৰ্মাৰ ৰেলী

লগতে পঢ়ক :যোৰহাটত বিদ্যুৎ কৰ্মচাৰী আৰু অভিযন্তাৰ প্ৰতিবাদ