ৰূপহীহাট,15 মাৰ্চঃ ৰাজ্যৰ প্ৰথম পৰ্যায়ৰ নিৰ্বাচনৰ বাবে মাজত মাথো কেইটামান দিন বাকী । সমষ্টিয়ে সমষ্টিয়ে বলিছে নিৰ্বাচনী গৰম বতাহ ৷ নেতা পালিনেতাৰ মুখত বৈছে বহু প্ৰতিশ্ৰুতিৰ বন্যা । তাৰ সমান্তৰালভাৱে পিছপৰি ৰোৱা নাই ৰূপহীহাটৰ বিভিন্ন দলসমূহৰ প্ৰাৰ্থীসকল । ৰূপহীহাটৰ ৰাইজৰ দলৰ প্ৰাৰ্থী নজৰুল ইছলামে কৰ্মী সকলক লগত লৈ ভোটাৰ ৰাইজৰ ঘৰে ঘৰে গৈ ভোটাৰ ৰাইজৰ মন জয়ৰ চেষ্টাৰে চলাইছে ব্যাপক নিৰ্বাচনী প্ৰচাৰ ৷ ইতিমধ্যে ৰাইজৰ দলৰ নেতাগৰাকীয়ে ৰাইজৰ পৰা লাভ কৰিছে বিপুল সহাঁৰি ।
নজৰুল ইছলামে সমষ্টিটোৰ বিভিন্ন স্থানত প্ৰচাৰ অভিযান চলাই কগ্ৰেছৰ অপশাসন, দুৰ্নীতি, নেলী হত্যাকাণ্ড আদি বিভিন্ন অভিযোগ তুলি কংগ্ৰেছক ক্ষুৰধাৰ সমালোচনা কৰা পৰিলক্ষিত হৈছে । সেইদৰে বিজেপিৰ নেতা সকলকো সমালোচনা কৰি কয় বিজেপিয়ে শংকৰ-আজানৰ দেশত বিভেদ অনাৰ চেষ্টা কৰিছে যাৰ বাবে তাৰ পূৰ্ণ সুযোগ গ্ৰহণ কৰিছে বাহিৰা শক্তিসমুহে ৷