ৰহা, 3 ছেপ্তেম্বৰ: ৰাজ্যত অৱসান ঘটা নাই এন আৰ চিৰ চূড়ান্ত তালিকাক লৈ বিৰ্তক-প্ৰতিবাদৰ ৷ এজনৰ পাছত এজন ভূমি-পুত্ৰৰ এতিয়া নাম কৰ্তন হৈছে এন আৰ চি তালিকাৰ পৰা ৷ চূড়ান্ত তালিকাত নাই ৰহাৰ সমষ্টিৰ প্ৰমিলা গাওঁ পঞ্চায়তৰ পঞ্চাশ শতাংশ লোকৰ নাম ৷ ইয়াৰ পাছতে এতিয়া হাহাকাৰ লাগিছে ভূক্তভোগী পৰিয়ালৰ মাজত ৷ পঞ্চায়তৰ ১০নং ৱাৰ্ডৰ পোন্ধৰ শ লোকৰ ভিতৰত সাত শ লোকৰে নাম নাহিল চূড়ান্ত তালিকাখনত৷ তালিকাৰ পৰা বাদ পৰা এই হিন্দু বাঙালী সম্প্ৰদায়ৰ লোকসকলে ই টিভি ভাৰতৰ আগত জনাই যে তেওলোকে 1969 চনতে ভাৰতৰ নাগৰিকত্ব লাভ কৰিছিল আৰু তাৰ পাছৰে পৰা তেঁওলোকে নিৰ্বাচনত ভোটাধিকাৰো সাব্যস্ত কৰি আহিছে আনকি লোকসকলে তেতিয়াই মাটিৰ পট্টন লাভ কৰিছিল আৰু পাছত সময়মতে মাটিৰ খাজানাও আদায় দি আহিছে ৷
এন আৰ চি চূড়ান্ত তালিকা: নাম নাই ৰহাৰ প্ৰমিলা গাঁও পঞ্চায়তৰ অৰ্ধেক মানুহৰ
প্ৰমিলা গাঁও পঞ্চায়তৰ 10 নং ৱাৰ্ডৰ পোন্ধৰশ লোকৰ ভিতৰত সাতশ লোকৰ নাম নাই এন আৰ চিত ৷
এন আৰ চি চূড়ান্ত তালিকা: নাম নাই ৰহাৰ প্ৰমিলা গাঁও পঞ্চায়তৰ অৰ্ধেক মানুহৰ
তাৰোপৰি তেঁওলোকৰ হাতত লিগেচীকে ধৰি প্ৰয়োজনীয় সকলো নথি পত্ৰ আছে৷ তেনেস্থলত তেঁওলোকৰ নাম এন আৰ চি চূড়ান্ত তালিকাত অন্তৰ্ভূক্ত নোহোৱাত এতিয়া হতাশ হৈ পৰিছে ভূক্তভুগী লোকসকল ৷ শংকিত লোকসকলৰ আহ্বান,"যদি আমাৰ নাম নাম এন আৰ চি তালিকাত অন্তৰ্ভূক্ত কৰিব নোৱাৰে তেন্তে চৰকাৰ প্ৰশাসনে গুলিয়াই মাৰক আমাক"৷
এন আৰ চি চূড়ান্ত তালিকা: নাম নাই ৰহাৰ প্ৰমিলা গাঁও পঞ্চায়তৰ অৰ্ধেক মানুহৰ