ৰহাত কলং নৈৰ ভয়াৱহ খহনীয়া

ৰহাৰ তিনিসুঁতিত ব্যাপক খহনীয়া ৷ বন্ধ হ'ল ৰহা,চাপৰমুখ,কামপুৰ সংযোগী ৰাজ্যিক পথ ৷ কাণসাৰ নাই জলসম্পদ বিভাগৰ ৷

ৰহা,23 অক্টোবৰ : ৰহাত কলং নৈৰ ভয়াৱহ খহনীয়া । ৰহাৰ গড়মাৰী তিনিসুঁতিত নিশাটোৰ ভিতৰতে কলং নৈৰ খহনীয়াই লৈছে কালৰূপ । বৃহস্পতিবাৰে সন্ধিয়াৰ পৰা হোৱা নেৰানেপেৰা বৰষুণৰ ফলত চপৰা চপৰে খহিছে কলঙৰ গৰা । ফলত ৰহা-চাপৰমুখ তথা ৰহা-কামপুৰ পথলৈ তীব্ৰ ভাবুকি আহিছে । ইতিমধ্যে গড়কাপ্তানী পথটো খহাই নিয়াৰ উপক্ৰম হৈছে,ফলত আতংকিত হৈ পৰিছে সমগ্ৰ অঞ্চলবাসী ।

ইতিমধ্যে ৰহা প্ৰশাসনে পথটোৰ ওপৰত যান বাহন চলাচল বন্ধ কৰিছে যদিও এই পৰ্যন্ত জলসম্পদ বিভাগৰ কোনো লোক খহনীয়াস্থলীত উপস্থিত নোহোৱাত ক্ষোভিত হৈ পৰিছে অঞ্চলবাসী । উল্লেখ্য যে গড়মাৰী তিনিসুঁতিৰ এই গড়কাপ্তানী পথটো খহাই নিলে বৃহত্তৰ অঞ্চলটো বিপদত পৰিব । কিন্তু গা লৰা নাই জলসম্পদ বিভাগৰ ।

লগতে পঢ়ক :মৰিগাঁৱত আধাৰ কাৰ্ডৰ নামত ধন সংগ্ৰহ কৰি গ্ৰেপ্তাৰ এজন