ৰহা, 13 জানুৱাৰীঃপদুলি মুখত আহি পালেহি অসমীয়াৰ হেঁপাহৰ ভোগালী বিহু ৷ ভোগালী বিহু উপলক্ষে এতিয়া ভিন্ন ধৰণে প্ৰস্তুতি চলিছে ৰাজ্যজুৰি ৷ ভোগালীক লৈ ব্যস্ত সকলো ৷
সমান্তৰালকৈ ৰহাৰ আমচৈৰ সমীপৱৰ্তী কেকোঁৰা গাঁৱতো দেখিবলৈ পোৱা গৈছে ভোগালীৰ ব্যাপক প্ৰস্তুতি ৷ সাজু হৈছে উৰুকাৰ নিশা লগে ভাগে এসাজ খাবলৈ ভেলাঘৰো ৷ কিন্তু এক ব্যতিক্ৰমী আৰ্হিৰে স্থানীয় লোকে সাজি উলিয়াইছে ভেলাঘৰটো ৷ বৰ্তমান সময়ত CAA ক লৈ অসমবাসী সৰৱ হৈ থকাৰ সময়তে কেকোঁৰা গাঁওবাসীয়ে এই আইনৰ প্ৰতি প্ৰতিবাদ ব্যক্ত কৰি সাজিছে ভেলাঘৰটো ৷ ভেলাঘৰটোৰ ওপৰত নিৰ্মাণ কৰিছে মূৰত এটা পাচি লৈ এগৰাকী মহিলাই থিয় হৈ থকা দৃশ্য, লগত আছে এখন নাও ৷ লগতে এদল মানুহ অগ্ৰসৰ হৈছে পাৰ অভিমুখে ৷
ৰহাত CAA ৰ বিৰোধিতাৰে ব্যতিক্ৰমী ভেলাঘৰ