কলিয়াবৰ, 22 ফেব্ৰুৱাৰী: সোমবাৰে কলিয়াবৰৰ ৰাজপথত দেখা গ’ল হাজাৰ-হাজাৰ জনতাৰ প্ৰতিবাদ । কলিয়াবৰ মহকুমাৰ অন্তৰ্গত কাজিৰঙা ৰাষ্ট্ৰীয় উদ্যানৰ বৰ্দ্ধিত সাতটা এনিমেল ক'ৰিড'ৰত চলোৱা উচ্ছেদৰ বিৰুদ্ধে ৰাইজে কৰিলে এই প্ৰতিবাদ (Protest over eviction drive in Kaziranga animal corridors) । উচ্ছেদৰ নামত ইতিমধ্যে প্ৰশাসনে ৰাইজক হাৰাশাস্তি কৰাৰো অভিযোগ উত্থাপন কৰিলে প্ৰতিবাদী জনতাই ।
কাজিৰঙা ৰাষ্ট্ৰীয় উদ্যানৰ ভিতৰত বৰ্দ্ধিত এনিমেল ক'ৰিড'ৰৰ বিৰুদ্ধে সেই স্থানসমূহত বসবাস কৰি অহা ৰাইজে কৰা এই প্ৰতিবাদী কাৰ্যসূচীৰ জৰিয়তে এনিমেল ক'ৰিড'ৰৰ গইনা লৈ প্ৰশাসনে চলোৱা উচ্ছেদ অভিযান শীঘ্ৰে বন্ধ ৰাখিবলৈ কৰিলে দাবী । দিল্লীত থাকি কাজিৰঙাৰ বাস্তৱিক পৰিৱেশৰ বিষয়ে নজনাকৈয়ে ৰোহিত চৌধুৰী নামৰ স্বয়ম্ভূ প্ৰকৃতিপ্ৰেমী গৰাকীৰ এনে হঠকাৰী কাৰ্যৰ বিৰুদ্ধে গৰজি উঠে প্ৰতিবাদকাৰীসকল ।
ৰাষ্ট্ৰপতিৰ সমুখত প্ৰতিবাদ কৰিব কাজিৰঙাৰ উচ্ছেদিত জনতাই