নগাঁও, 15 চেপ্তেম্বৰ: মাইক্ৰ'ফাইনেঞ্চৰ ঋণ মুক্তিৰ দাবীৰে নগাঁৱত প্ৰতিবাদত বহিল গ্ৰামীণ শ্ৰমিক সন্থা আৰু মাইক্ৰ' ফাইনেঞ্চ শোষণ বিৰোধী মঞ্চ ৷ ক'ৰণাসৃষ্ট পৰিৱেশৰ বাবে মাইক্ৰ'ফাইনেঞ্চৰ ঋণ পৰিশোধ কৰিবলৈ অপাৰগ হোৱাত মঙলবাৰে নগাঁৱত সদৌ অসম গ্ৰামীণ শ্ৰমিক সন্থা আৰু মাইক্ৰ'ফাইনেঞ্চ শোষণ বিৰোধী যৌথ সংগ্ৰামী মঞ্চই প্ৰতিবাদ সাব্যস্ত কৰে ৷
মাইক্ৰ'ফাইনেঞ্চৰ ঋণ মুক্তিৰ দাবীত নগাঁৱত প্ৰতিবাদ
নগাঁও কলেজ পইণ্টত চৰকাৰ বিৰোধী শ্লোগানেৰে ঋণ মুক্তিৰ দাবী জনোৱা প্ৰতিবাদকাৰী সকলৰ যুক্তি দৰ্শাই কয় যে ক'ৰণাসৃষ্ট পৰিৱেশৰ বাবে তেওঁলোকে কোনোধৰণৰ ব্যৱসায় বাণিজ্য কৰিব পৰা নাই ৷ সেয়ে তেওঁলোকৰ ঋণ মাফ হব লাগে ৷