লক্ ডাউনঃ বনৰীয়া আলু কচু খাই ভোক নিবাৰণ কৰা পৰিয়ালৰ কাষত বেচৰকাৰী সংস্থা

লক্ ডাউনৰ বাবে খাদ্য সংকটত ভোগা দৰিদ্ৰ পৰিয়ালৰ মাজত বেচৰকাৰী সংস্থাই বিতৰণ কৰিলে প্ৰয়োজনীয় খাদ্য সামগ্ৰী ৷ সংবাদ মাধ্যমত বাতৰি প্ৰকাশ পোৱাৰ পিছতে সহায়ৰ হাত হৃদয়ৱান লোকৰ ৷

কলিয়াবৰ, 8 মে' : লক্ ডাইনৰ বাবে খাদ্য সংকটত ভোগা দৰিদ্ৰ পৰিয়াললৈ সাহায্য প্ৰদান বেচৰকাৰী সংস্থা অ'পেন ড'ৰৰ ৷ লক্ ডাউনৰ বাবে আৰ্থিক সংকটত ভুগি কলিয়াবৰৰ ডিজুভেলী চাহ বাগিচাৰ একাংশ শ্ৰমজীৱি লোকে বনৰীয়া আলু-কচুঁ খাই ভোক নিবাৰণ কৰাৰ বাতৰি সংবাদ মাধ্যমত প্ৰকাশ পোৱাৰ পিছতে সহায়ৰ হাত আগবঢ়াইছে বেচৰকাৰী সংস্থাটোৱে ৷

নগাঁও, কাৰ্বি-আংলং সীমান্তৱৰ্তী পাহাৰৰ নামনিৰ প্ৰান্তীয় অঞ্চলত অৱস্থিত ডিজুভেলী চাহ বাগিচাৰ 23 নং খণ্ডৰ অৰ্ধ-শতাধিক শ্ৰমজীৱি পৰিয়ালৰ মাজত শুকুৰবাৰে খাদ্য সামগ্ৰীৰ লগতে অত্যাৱশ্যকীয় সামগ্ৰী বিতৰণ কৰে স্বেচ্ছাসেৱী সংস্থাটোৱে । বেচৰকাৰী সংস্থাটোৰ এই কাৰ্যত সহায় আগবঢ়াই কলিয়াবৰ মহকুমা প্ৰশাসনেও ৷

আনহাতে, উক্ত সাহায্য বিতৰণ কাৰ্যসূচীতে জখলাবন্ধা কদমতলী কালী মন্দিৰ পৰিচালনা সমিতিয়ে ডিজুভেলী চাহ বাগিচাৰ শ্ৰমিক সকলক বিতৰণ কৰিলে মাস্ক ৷ লগতে, নগাঁও জিলা মটৰ শ্ৰমিক সন্থাৰ তৰফৰ পৰাও কলিয়াবৰ ভকুৱামাৰীৰ 100 টা দৰিদ্ৰ পৰিয়ালৰ মাজত বিতৰণ কৰিলে 500 কৈ টকা ৷

লগতে পঢ়ক :GMCHৰ অধীক্ষক ডাঃ ৰমেন তালুকদাৰক কোৱাৰেণ্টাইন