নিৰ্বাচনৰ বাবে সাজু কলিয়াবৰ প্ৰশাসন

89 নং কলিয়াবৰ বিধানসভা সমষ্টিত ইতিমধ্যে যাৱতীয় কাম কাজৰ উপৰিও কাৰিকৰীভাৱেও সাজু হৈ উঠিছে বিষয়া-কৰ্মচাৰী । যাৰ পৰিপ্ৰেক্ষিতত শনিবাৰে মহকুমাধিপতি কাৰ্যালয়ত অস্থায়ীভাৱে সাজি উলিওৱা হয় ভোট গ্ৰহণ কেন্দ্ৰ ৷

নগাঁও, 7 এপ্ৰিলঃ কলিয়াবৰ মহকুমা প্ৰশাসন ক্ৰমাৎ সাজু হৈ উঠিছে 11 এপ্ৰিলত হ'বলগীয়া প্ৰথম পৰ্যায়ৰ ভোট গ্ৰহণৰ বাবে । 89 নং বিধান সভা সমষ্টিত ইতিমধ্যে যাৱতীয় কাম কাজৰ উপৰিও কাৰিকৰীভাৱেও সাজু হৈ উঠিছে বিষয়া-কৰ্মচাৰী । যাৰ পৰিপ্ৰেক্ষিতত শনিবাৰে মহকুমাধিপতি কাৰ্যালয়ত অস্থায়ীভাৱে সাজি উলিওৱা হয় ভোট গ্ৰহণ কেন্দ্ৰ । কেন্দ্ৰটোত ভোট দান আৰু ভোট গ্ৰহণৰ এক আখৰা কাৰ্যসূচী সম্পন্ন হয় । মুঠ 190 টা ভোটগ্ৰহণ কেন্দ্ৰৰ জৰিয়তে সমগ্ৰ ভোট গ্ৰহণ প্ৰক্ৰিয়াটো সুকলমে পৰিচালনা কৰিবলৈ লোৱা যাৱতীয় ব্যৱস্থাৰ বিষয়ে কলিয়াবৰৰ মহকুমাধিপতি বিতুপন নেওগে অৱগত কৰে ।