নগাঁও আৰক্ষীৰ জালত চোৰাং চিকাৰী

মঙলবাৰে নিশা জখলাবন্ধাৰ নাজানত চলোৱা অভিযানত আৰক্ষী জালত অস্ত্ৰসহ চোৰাং চিকাৰী ৷ কাজিৰঙাত গঁড় চিকাৰৰ ব্লু প্ৰিণ্ট ৰচিছিল চোৰাং চিকাৰীটোৱে ৷

নগাঁও, 19 ফেব্ৰুৱাৰীঃ নগাঁও আৰক্ষীৰ বৃহৎ সফলতা ৷ মঙলবাৰে নিশা জখলাবন্ধাৰ নাজানত অভিযান চলাই আটক কৰিবলৈ সক্ষম হয় অস্ত্ৰসহ এজন দুৰ্ধৰ্ষ চোৰাং চিকাৰীক । অভিযানত আটকাধীন চোৰাং চিকাৰী জন হৈছে ৰবি আলী ।

কাজিৰঙাত গঁড় চিকাৰৰ পৰিকল্পনা আছিল দুৰ্ধৰ্ষ চোৰাং চিকাৰীটোৰ । তাৰ পূৰ্বেই মঙলবাৰে নিশা নগাঁও আৰক্ষীৰ অতিৰিক্ত আৰক্ষী অধীক্ষক সদৰ মোহন লাল মিনা, বিশেষ শাখাৰ উপ আৰক্ষী অধীক্ষক জন দাসৰ নেতৃত্বত চলা অভিযানত জালত পৰে দুৰ্ধৰ্ষ চিকাৰী ৰবি আলী ৷ ৰবি আলীৰ পৰা আৰক্ষীৰ দলটোৱে এটা ৰাইফলৰ লগতে দুই জাঁই সজীৱ গুলী উদ্ধাৰ কৰিবলৈ সক্ষম হৈছে ৷