ৰহা,8 ডিচেম্বৰঃ যিসময়ত ৰাজ্য চৰকাৰে দিব্যাংগসকলৰ বাবে বিভিন্ন ধৰণৰ আঁচনি ঘোষণা কৰিছে সেই সময়ত আঁচনিৰ সুবিধা লাভৰ পৰা বঞ্চিত হৈছে একাংশ দিব্যাংগ ৷ ৰহাৰ সৰিয়হতলিৰ মিলনপুৰৰ তপন নাথ আৰু বন্দনা দেৱীৰ দুটিকৈ দিব্যাংগ সন্তানে আজিকোপতি লাভ নকৰিলে কোনোধৰণৰ চৰকাৰী সা-সুবিধা ৷ অভিযোগ অনুসৰি, বাৰম্বাৰ স্থানীয় বিধায়ক ডিম্বেশ্বৰ দাসক এইক্ষেত্ৰত অনুনয়-বিননয় কৰাৰ পিছতে কোনো কাণসাৰ নাই বিধায়কগৰাকীৰ ৷
চৰকাৰী আঁচনিৰ পৰা বঞ্চিত ৰহাৰ দিব্য়াংগ শিশু তদুপৰি ৰাজ্য চৰকাৰে দিব্যাংগসকলৰ সুবিধাৰ্থে অৰুণোদয় আঁচনি ৰূপায়ণ কৰিছে যদিও এই আঁচনিৰ পৰাও বঞ্চিত কণমানি দুটি দিব্যাংগ শিশু ৷ প্ৰশ্ন হয়, নিৰ্বাচনী বৈতৰণী পাৰ হ'লেই জনপ্ৰিতিনিধিয়ে পাহৰি যায় নেকি নিজৰ প্ৰতিশ্ৰুতিসমূহ ? কিয় গা এৰা দিয়ে দৰিদ্ৰ লোকসকলৰ সমস্যা সমাধানৰ ক্ষেত্ৰত? স্থানীয় লোকৰ অভিযোগ, আৰ্থিকভাৱে দুৰ্বল হোৱাৰ বাবেই চৰকাৰী সা-সুবিধাৰ পৰা বঞ্চিত হ'ব লগা হয় দৰিদ্ৰ লোকসকল ৷
লগতে পঢ়কঃপাৰ্টী চাই নহয় প্ৰাৰ্থী চাইহে তিৱা স্বায়ত্ব পৰিষদৰ নিৰ্বাচনত ভোটদান কৰিব: ৰিমল আমচি
