নগাঁও, 27 মাৰ্চ :সোমবাৰে ১৯০ বছৰীয়া হ'ল নগাঁও জিলা । ১৮৩৩ চনৰ ২৭ মাৰ্চতে জিলা হিচাপে প্ৰতিষ্ঠা লাভ কৰিছিল নগাঁৱে (When was Nagaon district established) ৷ সোমবাৰে প্ৰথমবাৰৰ বাবে নগাঁও জিলা প্ৰশাসনৰ উদ্যোগত নগাঁও জিলা দিৱস উদযাপন কৰা হৈছে ( Nagaon district day) । সোমবাৰৰ দিনটোত সন্ধিয়া নগাঁৱৰ প্ৰতিঘৰ মানুহকে এগছি বন্তি প্ৰজ্বলনৰ আহ্বান জনাইছে জিলা উপায়ুক্তই ৷ দিনযোৰা কাৰ্যসূচীৰে উদযাপন কৰা হ’ব নগাঁও জিলা দিৱস ৷ এই দিৱসৰ প্ৰথম কাৰ্যসূচী ইতিমধ্যে সম্পন্ন হৈছে ।
প্ৰথম কাৰ্যসূচী অনুযায়ী সোমবাৰে পুৱাই নগাঁও চহৰৰ মাজেৰে উলিওৱা হয় এক বিশাল সাংস্কৃতিক শোভাযাত্ৰা ( Nagaon district celebrating Nagaon district day) । পুৱা নগাঁও আৰক্ষী ছাউনিৰ খেলপথাৰৰ পৰা উলিওৱা সাংস্কৃতিক শোভাযাত্ৰাত বিভিন্ন সাংস্কৃতিক দলৰ লগতে অনুষ্ঠান, প্ৰতিষ্ঠান, বিদ্যালয়-মহাবিদ্যালয়ৰ ছাত্ৰ-ছাত্ৰীয়ে অংশগ্ৰহণ কৰে (Nagaon district day cultural rally) । সাংস্কৃতিক শোভাযাত্ৰাত জিলা উপায়ুক্ত নৰেন্দ্ৰ কুমাৰ শ্বাহ, অতিৰিক্ত উপায়ুক্ত প্ৰশান্ত বৰুৱাসহ জিলা প্ৰশাসনৰ বিষয়া কৰ্মচাৰী সকল উপস্থিত থাকে (Nagaon DC at district day celebration ) ।