কামপুৰ, 31 মে': কৰ'ণা মহামাৰীৰ সমান্তৰালকৈ অসমৰ একাংশ অঞ্চলত সম্প্ৰতি হাহাকাৰ সৃষ্টি কৰিছে বানে ৷ বান কিছু পৰিমাণে কমিছে যদিও, বৰ্তমান আশ্ৰয় শিবিৰতেই কটাবলগীয়া হৈছে বন্যাৰ্ত সকলে ৷ চাৰিদিন ধৰি আশ্ৰয় শিবিৰত থকা বন্যাৰ্ত সকলে এই পৰ্যন্ত পোৱা নাই কোনো ধৰণৰ চৰকাৰী সাহায্য ৷ খোৱাপানী আৰু আহাৰৰ অভাৱত সমস্যাৰ সন্মুখীন হৈছে বানাক্ৰান্ত লোক ৷
কামপুৰত কপিলী, নিশাৰী আৰু বৰপানীৰ বাঢ়নী পানীয়ে বহুকেইটা মাথাউৰি ছিঙি জল প্ৰলয় সৃষ্টি কৰা চাৰিটা দিন অতিক্ৰম কৰিলে যদিও, আশ্ৰয় শিবিৰত থকা বানাক্ৰান্ত সকলে খাদ্যৰ বাবে হাহাকাৰ কৰিবলগীয়া হৈছে ৷ বছৰটোৰ প্ৰথমটো বানতে প্লাৱিত হয় শতাধিত গাঁও ৷ পানীত জাহ যায় হাজাৰ হাজাৰ বিঘা কৃষিভূমি ৷ তেনে স্থলত কামপুৰ ৰাজহ চক্ৰৰ অন্তৰ্গত ৰহা আৰু বঢ়মপুৰ সমষ্টিৰ দুই বিধায়কে বানাক্ৰান্ত সকলৰ বাবে কোনো পদক্ষেপ গ্ৰহণ নকৰাত ক্ষোভিত হৈ পৰিছে ভুক্তভোগী লোকসকল ৷
লগতে পঢ়কঃনামনি সোৱণশিৰি জলবিদ্যুৎ প্ৰকল্পৰ কাম বন্ধৰ দাবীৰে ছাত্ৰ সংগঠনৰ প্ৰতিবাদ