নগাঁও,6 এপ্ৰিলঃ বয়সে হাৰ মনাব নোৱাৰা এগৰাকী সমাজসেৱক ৷ কৰ'ণাৰ আতংকৰ মাজতো থমকি ৰোৱা নাই তেওঁ ৷ বাতৰি কাকতৰ টোপোলাৰেই যাৰ আৰম্ভ হয় প্ৰতিটো দিন । প্ৰতিদিনে পুৱাই নিজৰ ঘৰৰ পৰাই বাতৰি কাকত বিতৰণৰ কাম আৰম্ভ কৰা নগাঁৱৰ সকলোৰে পৰিচিত এইজন মুকুট চন্দ্ৰ ভূঞাই । অসমত প্ৰথমবাৰৰ বাবে চিত্ৰাংকণ আৰু সাধুকোৱা প্ৰতিযোগিতা অনুষ্ঠিত কৰা মুকুট ভূঞাৰ জীৱন পৰিক্ৰমাৰ ওপৰত আন্তঃৰাষ্ট্ৰীয় পৰ্যায়ত নিৰ্মিত হৈছে তথ্য চিত্ৰ ৷
বয়সে হাৰ মনাব নোৱাৰা এগৰাকী সমাজ সেৱক
কৰ'ণা আতংকৰ বাবেই দেশজুৰি জাৰি কৰা লক ডাউনৰ আৰম্ভণিতেই এই আতংকই প্ৰভাৱিত কৰিছিল ছপা মাধ্যমতো । বহু ঠাইত হকাৰে একপ্ৰকাৰ বন্ধ কৰি দিছিল বাতৰি কাকতৰ বিতৰণ । এনে সময়তো প্ৰথমৰ পৰাই পাঠকৰ মাজত বাতৰি কাকত বিতৰণ কৰি আহিছে মুকুট চন্দ্ৰ ভূঞাই ।