Crime in Nagaon: ধৰ্ষণৰ অভিযোগত গ্ৰেপ্তাৰ পঞ্চায়ত সভাপতি

বটদ্ৰৱা আৰক্ষীৰ জালত পঞ্চায়ত সভাপতি ৰকিবুল হুছেইন । ধৰ্ষণৰ অভিযোগত পঞ্চায়ত সভাপতিজনক গ্ৰেপ্তাৰ (Rape accused arrested in Nagaon) । তেওঁৰ বিৰুদ্ধে বটদ্ৰৱাৰ শান্তিজান বজাৰৰ পৰা এগৰাকী মহিলাক গাড়ীত উঠাই নগাঁৱৰ বৰঘাট পাইপাছত ধৰ্ষণ কৰাৰ অভিযোগ উত্থাপিত হৈছে ।

নগাঁও, ১৫ ফেব্ৰুৱাৰী: ৰাজ্যত নিতৌ সংঘটিত হৈ আছে নাৰী নিৰ্যাতনৰ দৰে জঘন্য ঘটনা (Rape Case in Assam)৷ সমাজৰ একাংশ অসাধু লোকৰ বাবেই যেন নিজৰ ঘৰখনতো প্ৰায়ভাগ কিশোৰী, যুৱতী কিম্বা মহিলাই নিৰাপত্তাহীনতাত ভুগিছে । নিতৌ বাতৰি কাকতৰ শিৰোনাম দখল কৰিছে নাৰী ধর্ষণ অথবা নাৰী নির্যাতনৰ ঘটনাই ৷ নাৰীৰ ওপৰত কৰা অত্যাচাৰ, নির্যাতন আদি প্ৰসংগসমূহৰ বিষয়ে চৰকাৰ তথা বিভিন্ন বেচৰকাৰী সংস্থাসমূহে বিভিন্ন সময়ত ৰাজ্যৰ প্ৰান্তে প্ৰান্তে সজাগতামূলক কাৰ্যসূচী অনুষ্ঠিত কৰি আহিছে যদিও ইয়াৰ পিছতো যেন সুৰক্ষিত হ’ব পৰা নাই মহিলাসকল ৷ ৰাজ্য়ৰ আন প্ৰান্তৰ দৰে নগাঁও জিলাতো বৃদ্ধি পাবলৈ ধৰিছে নাৰী নিৰ্যাতনৰ ঘটনা । ইয়াৰ মাজতেই শেহতীয়াভাৱে জিলাখনৰ এজন পঞ্চায়ত সভাপতিৰ বিৰুদ্ধে ধৰ্ষণৰ অভিযোগ উত্থাপিত হৈছে (Rape case in Nagaon) ।

নগাঁও জিলাৰ বিভিন্ন গাঁও পঞ্চায়ত প্ৰতিনিধিৰ বিৰুদ্ধে সততে দুৰ্নীতিৰ অভিযোগ উত্থাপিত হৈ আহিছে । কিন্তু এইবাৰ দুৰ্নীতি নহয়, ধৰ্ষণৰ অভিযোগত গ্ৰেপ্তাৰ হৈছে পঞ্চায়ত সভাপতি (Panchayat president arrested on rape charges) । ধৰ্ষণৰ অভিযোগত বটদ্ৰৱা আৰক্ষীৰ জালত পৰিছে এজন পঞ্চায়ত সভাপতি । ধৰ্ষণৰ অভিযোগত গ্ৰেপ্তাৰ হোৱা জনপ্ৰতিনিধিজন হৈছে ভোমোৰাগুৰি গাঁও পঞ্চায়তৰ সভাপতি ৰকিবুল হুছেইন । ইতিমধ্য়ে এই সন্দৰ্ভত পঞ্চায়তৰ সভাপতিক বটদ্ৰৱা আৰক্ষীয়ে জেৰা চলাই আছে । এই ঘটনাৰ পিছতেই নগাঁৱৰ বটদ্ৰৱাত প্ৰতিক্ৰিয়াৰ সৃষ্টি হৈছে ।

উল্লেখ্য় যে এগৰাকী মহিলাৰ অভিযোগৰ ভিত্তিত বটদ্ৰৱা আৰক্ষীয়ে গ্ৰেপ্তাৰ কৰে পঞ্চায়ত সভাপতি ৰকিবুল হুছেইনক । বটদ্ৰৱা উন্নয়ন খণ্ডৰ অধীনৰ ভোমোৰাগুৰি গাঁও পঞ্চায়তৰ সভাপতি ৰকিবুল হুছেইনৰ বিৰুদ্ধে উত্থাপন হৈছিল ধৰ্ষণৰ অভিযোগ (Rape accused Panchayat president arrested in Botadrava)। কিছুদিন পূৰ্বে বটদ্ৰৱাৰ শান্তিজান বজাৰৰ পৰা এগৰাকী মহিলাক বলপূৰ্বকভাৱে গাড়ীত উঠাই নগাঁৱৰ বৰঘাট পাইপাছত ধৰ্ষণ কৰাৰ অভিযোগ উখাপিত হৈছিল পঞ্চায়ত সভাপতিৰ বিৰুদ্ধে । এই ঘটনাৰ লগত ৰকিবুলৰ আন এজন বন্ধু জড়িত থকা বুলিও অভিযোগ উত্থাপন কৰিছেল ভুক্তভোগী মহিলাগৰাকীয়ে । পৰৱৰ্তী সময়ত ৰকিবুলে এই ঘটনা গাপ দিবলৈ ভয়-ভাবুকি দিয়াৰ উপৰি মহিলা গৰাকীক ডেৰ লাখ টকাৰে মেনেজ কৰাৰ চেষ্টা চলোৱা বুলিও ভুক্তভোগীগৰাকীয়ে অভিযোগ উত্থাপন কৰিছে ‌। এই অভিযোগৰ ভিত্তিতেই বটদ্ৰৱা আৰক্ষীয়ে মঙলবাৰে নিশা গ্ৰেপ্তাৰ কৰে পঞ্চায়ত সভাপতি ৰকিবুলক ।

লগতে পঢ়ক:Rameshwar Teli on Union budget 2023: কেন্দ্ৰীয় বাজেট সন্দৰ্ভত কেন্দ্ৰীয় মন্ত্ৰী ৰামেশ্বৰ তেলীৰ সংবাদমেল