কলিয়াবৰ,23 এপ্ৰিল : কলিয়াবৰত গঁড় চিকাৰীৰ বিৰুদ্ধে চলোৱা ধাৰাবাহিক অভিযানত পুনৰ আটক হৈছে দুই গঁড় চিকাৰী ৷ শুকুৰবাৰে পুৱতি নিশা জখলাবন্ধা আৰক্ষী নিৱেশৰ ভাৰপ্ৰাপ্ত আৰক্ষী বিষয়া নিপু কলিতাৰ নেতৃত্বত চলা অভিযানত মুস্তফা আহমেদ (32) আৰু ৰুফুল আহমেদ (35) নামৰ চিকাৰী দুটাক আমনিৰ পৰা কৰায়ত্ব কৰে ।
জখলাবন্ধাত আটক পুনৰ দুই চোৰাং চিকাৰী
জখলাবন্ধা আৰক্ষী নিৱেশত 19/2921 U/S 25(1-A)/35 অস্ত্ৰ-শস্ত্ৰ আইনৰ অধীনত পঞ্জীকৃত গোচৰৰ ভিত্তিত আটক কৰা হয় চোৰাং চিকাৰী দুটাক । উল্লেখ্য যে, বুঢ়াপাহাৰ, জখলাবন্ধা আৰু আমনিৰ পৰা অস্ত্ৰসহ গ্ৰেপ্তাৰ কৰা চাৰি চিকাৰীৰ স্বীকাৰোক্তিৰ ভিত্তিত আটক হোৱা এই চিকাৰী দুটা 2016 চনতো গঁড় হত্যাৰ অপৰাধত আটক কৰিছিল আৰক্ষীয়ে ৷