কলিয়াবৰত পথ দুৰ্ঘটনাত থিতাতে নিহত এজন

কলিয়াবৰৰ আমবাগানত মটৰচাইকেল আৰু মাৰুতি এল্ট' 800ৰ মাজত সংঘৰ্ষ ৷ দুৰ্ঘটনাত থিতাতে নিহত শ্বৰিফুল ইছলাম নামৰ এজন যুৱক ৷

কলিয়াবৰ, 27 ফেব্ৰুৱাৰী :কলিয়াবৰৰ আমবাগান দেওবাৰে পুৱা সংঘটিত হয় এক ভয়াবহ পথ দুৰ্ঘটনা ৷ দুৰ্ঘটনাত থিতাতে নিহত হয় এজন মটৰ চাইকেল আৰোহীৰ ৷ নিহত বাইক আৰোহীজন শ্বৰিফুল ইছলাম বুলি জানিব পৰা হৈছে । আমবাগান দক্ষিণ ভোমোৰাগুৰিৰ অমৰ চাৰিআলিত মটৰচাইকেল আৰু মাৰুতি এল্ট' 800ৰ মাজত সংঘৰ্ষ নিহত হয় শ্বৰিফুল ইছলাম ৷

কলিয়াবৰত পথ দুৰ্ঘটনাত থিতাতে নিহত এজন

আমবাগানৰ অমৰ চাৰিআলিত সংঘটিত হয় এই দুৰ্ঘটনাটো । দুৰ্ঘটনাৰ পিচতে টায়াৰ জ্বলাই পথ অৱৰোধ কৰে উত্তেজিত স্থানীয় ৰাইজে । আমবাগানৰ কেইবাটাও স্থানত বাৰম্বাৰ গতিৰোধক স্থাপন দাবী তুলি আহিছে যদিও এতিয়ালৈ প্ৰশাসনে কোনো ব্যৱস্থা গ্ৰহণ নকৰাৰ অভিযোগ স্থানীয় ৰাইজে । স্থানীয় লোকে প্ৰশাসনক বিষয়টো গুৰুত্ব সহকাৰে গ্ৰহণ কৰি শীঘ্ৰে ব্যৱস্থা গ্ৰহণৰ আহ্বান জনায় ৷

উল্লেখ্য যে, পূৰ্বেই উক্ত স্থানত বহুকেইটা দুৰ্ঘটনা সংঘটিত হোৱাৰ কথা ব্যক্ত কৰে স্থানীয় লোকে ৷ সম্প্ৰতি ঘটনাস্থলীত আৰক্ষীৰ লোক উপস্থিত হৈ পৰিস্থিতি নিয়ন্ত্ৰণ কৰিছে যদিও গতিৰোধক নোহোৱালৈকে পথ অৱৰোধ অব্যাহত ৰখাৰ হুংকাৰ স্থানীয় লোকৰ ৷

লগতে পঢ়ক :Majuli by election 2022 : মাজুলীৰ ৰাইজে নিমাতী কইনাক দিশপুৰলৈ নপঠায় : লুৰিণজ্যোতি গগৈ