বঢ়মপুৰ, 6 ডিচেম্বৰ:কামপুৰৰ কচুৱা-বৈঠালাংছ' সংযোগী পথৰ ৰমনীপথাৰত তীব্ৰবেগী ডাম্পাৰৰ খুন্দাত নিহত এগৰাকী চাইকেল আৰোহী ৷ ডাম্পাৰৰ খুন্দাত থিতাতে নিহত হয় বালিজুৰিৰ জয়নাল উদ্দিন নামৰ লোকজন ৷ কন্যাৰ বিয়াৰ বাবে বজাৰ কৰিবলৈ আহি কৰুণ মৃত্যুক সাৱটিবলগীয়া হয় লোকগৰাকীয়ে ৷
কামপুৰত তীব্ৰবেগী ডাম্পাৰৰ খুন্দাত থিতাতে নিহত চাইকেল আৰোহী
তীব্ৰবেগী ডাম্পাৰৰ খুন্দাত কামপুৰৰ কচুৱা-বৈঠালাংছ' সংযোগী পথৰ ৰমনীপথাৰত এগৰাকী লোকে মৃত্যুক সাৱটিব লগীয়া হয় ৷ বালিজুৰিৰ জয়নাল উদ্দিন নামৰ লোক গৰাকীয়ে AS-02 BC-4930 নম্বৰৰ ডাম্পাৰখনৰ খুন্দাত থিতাতে প্ৰাণ ত্যাগ কৰে ৷
তীব্ৰবেগী ডাম্পাৰৰ খুন্দাত থিতাতে নিহত চাইকেল আৰোহী
দুৰ্ঘটনা সংঘটিত কৰা AS-02 BC-4930 নম্বৰৰ ডাম্পাৰখনৰ চালকজন সম্প্ৰতি আৰক্ষীৰ জালত ৷ উল্লেখ্য যে, ইয়াৰ পূৰ্বেও মাথো কেইদিনমানৰ আগত কামপুৰত বালি কঢ়িওৱা ট্ৰাকৰ খুন্দাত নিহত হৈছিল নলডুৱাৰ চাইকেল আৰোহী হুছেইনে আলী ৷ বালি কঢ়িওৱা ট্ৰাক আৰু ডাম্পাৰৰ দৌৰাত্ম্যৰ ফলতেই কামপুৰত সঘনাই পথ দুৰ্ঘটনা সংঘটিত হৈ থকাৰ অভিযোগ উত্থাপন কৰিছে সচেতন ৰাইজে ৷ দ্ৰুত বেগী বাহনসমূহক অতি শীঘ্ৰেই নিয়ন্ত্ৰণলৈ আনিবলৈ স্থানীয় ৰাইজে আৰক্ষীক আহ্বান জনাইছে ৷
লগতে পঢ়ক:ডুমডুমাত সদৌ অসম শ্বহীদ নিৰ্যাতিত পৰিয়াল পৰিষদৰ সংবাদমেল