বিলাসীপাৰাত বজ্ৰপাতত কৃষকৰ মৃত্যু

খেতিপথাৰত কাম কৰি থকাৰ সময়তে বজ্ৰপাত পৰাৰ ফলত মৃত্যুমুখত পৰে বিলাসীপাৰাৰ এগৰাকী কৃষক ৷ কৃষকগৰাকীৰ অকাল মৃত্যুৰ বাতৰিয়ে গভীৰ শোকৰ ছাঁ পেলাইছে অঞ্চলটোত ৷

পশ্চিম বিলাসীপাৰা,12 জুন: ধুবুৰীৰ বিলাসীপাৰাত শুকুৰবাৰে সংঘটিত হয় এক শোকাৱহ ঘটনা ৷ খেতিপথাৰত কাম কৰি থকাৰ সময়তে বজ্ৰপাতৰ ফলত মৃত্যুমুখত পৰে এগৰাকী কৃষক ৷ ঘটনাৰ বিৱৰণী অনুসৰি, আন্দুৰঝাৰ গাঁৱত আকস্মিকভাৱে পুৱাৰ ভাগত অহা এজাক বৰষুণৰ লগতে বজ্ৰপাত পৰাত পথাৰত ধান দাবলৈ যোৱা মজিবৰ ৰহমান নামৰ কৃষকজন মৃত্যুমুখত পৰে ৷ পৰৱৰ্তী সময়ত কৃষকজনক বিলাসীপাৰা সহকাৰী স্বাস্থ্যকেন্দ্ৰলৈ নিয়া হয় যদিও মৃত ঘোষণা কৰে চিকিৎসকে ৷

মৃত কৃষকগৰাকীৰ ঘৰ বিলাসীপাৰাৰ সমীপৰ কাইম ভাষানীপাৰাত ৷ কৃষকগৰাকীৰ অকাল মৃত্যুৰ বাতৰিয়ে গভীৰ শোকৰ ছাঁ পেলাইছে অঞ্চলটোত ৷

লগতে চাওকঃশিৱসাগৰৰ দিখৌ নৈত মৃতদেহ প্ৰত্যক্ষ