মহিলাক অশালীন ব্যৱহাৰ কৰি আটক এজন

চলন্ত গাড়ীতেই মহিলাক অশালীন ব্যৱহাৰ কৰাৰ অভিযোগ মোজাৱ হুছেইনৰ বিৰুদ্ধে ৷ বাছত থকা আন যাত্ৰীয়ে লগে লগে উত্তম মাধ্যম সোধায় যুৱকজনক । নগাঁৱৰ ইটাচলি আৰক্ষীয়ে আটক কৰে মোজাৱক

নগাঁও, 25 জুলাই : যাত্ৰীবাহী বাছত মহিলাক অশালীন ব্যৱহাৰ । নগাঁৱত সংঘটিত হ'ল এই ঘটনা ৷ চলন্ত গাড়ীতেই মহিলাক অশালীন ব্যৱহাৰ কৰাৰ অভিযোগ মোজাৱ হুছেইন নামৰ এজন যুৱকৰ বিৰুদ্ধে । চামগুৰিৰ পৰা নগাঁও অভিমুখে গৈ থকা এখন ট্ৰেভেলাৰত এগৰাকী মহিলাৰ কাষৰ আসনত বহি অশালীন ব্যৱহাৰ কৰে মোজাৱে ৷ বাছত থকা আন যাত্ৰীয়ে লগে লগে উত্তম মাধ্যম সোধায় যুৱকজনক । মহিলাগৰাকীয়ে যুৱকজনৰ বিৰুদ্ধে নগাঁৱৰ ইটাচলি আৰক্ষী চকীত দাখিল কৰা এজাহাৰৰ ভিত্তিত আৰক্ষীয়ে আটক কৰে অভিযুক্ত মোজাৱ হুছেইনক ।