চুৰি কৰিবলৈ আহি ধৰা পৰিল গভাইত চোৰ

নগাঁৱৰ মাজমজিয়াত অৱস্থিত ৰেনেছাঁ মাধ্যমিক বিদ্যালয়ৰ সমীপতে এঘৰ লোকৰ তাত পুনৰ চোৰ কৰিবলৈ আহি ধৰাত পৰে চোৰটো ৷ ইয়াৰ পূৰ্বেও ধৃতচোৰজনে সহযোগীৰ সৈতে আহি দুবাৰকৈ চুৰি কাৰ্য সংঘটিত কৰিছিল অঞ্চলটোত ৷

নগাঁও, 25 জুনঃচুৰি কৰিবলৈ আহি ধৰা পৰিল গভাইত চোৰ ৷ একেটা স্থানতে তৃতীয় বাৰৰ বাবে চুৰি কাণ্ড সংঘটিত কৰিবলৈ আহি হাতে-লুটে ধৰা পৰিলে নগাঁৱৰ গভাইত চোৰটো ৷ চোৰ জনৰ নাম ৰমজান ৷

নগাঁৱৰ মাজমজিয়াত অৱস্থিত ৰেনেছাঁ মাধ্যমিক বিদ্যালয়ৰ সমীপতে এঘৰ লোকৰ তাত পুনৰ চোৰ কৰিবলৈ আহি ধৰাত পৰে চোৰটো ৷ নগাঁও চহৰৰ অন্যতম শিক্ষানুষ্ঠান ৰেনেছাঁ মাধ্যমিক বিদ্যালয় খনতো ইয়াৰ পূৰ্বে ধৃতচোৰজনে সহযোগীৰ সৈতে আহি দুবাৰকৈ চুৰি কাৰ্য সংঘটিত কৰিছিল ৷ বুধবাৰে ধৰা পৰাত চোৰটোৱে স্বীকাৰ কৰে এই কথা ৷

ইনভাৰ্টাৰ, বেটেৰী, কম্পিউটাৰ, মনিটৰ, শৰাই আদিকে ধৰি বহুটো সামগ্ৰী বিদ্যালয় খনৰ পৰা চুৰি কৰি মৰিকলংৰ ইছলামপট্ৰী ৰছিদুল নামৰ আন এটা চোৰৰ ঘৰত লুকুৱাই ৰাখিছিল ধৃত চোৰটোৱে ।

ৰেনেছাঁ বিদ্যালয় কতৃপক্ষয়ে পূৰ্বে দাখিল কৰি থোৱা এজাহাৰ ভিত্তিত বৰ্তমান ইটাচালি থানাৰ আৰক্ষীয়ে ধৃত চোৰটোয়ে আগবঢ়োৱা স্বীকাৰোক্তিৰ ভিত্তিত বিদ্যালয় খনৰ চুৰি হোৱা সামগ্ৰী সমূহ উদ্ধাৰ কৰিৱলৈ অভিযান আৰম্ভ কৰিছে ৷

লগতে পঢ়কঃ6 জুলাইত আলিগড় আদালতত হাজিৰ হ'বলৈ নিৰ্দেশ শ্বাৰ্জিল ইমামক