নগাঁও, 5এপ্ৰিল: নগাঁৱৰ বাবে সু-খবৰ ৷ সোমবাৰে মুকলি হ'ল অত্যাধুনিক ১০৮ এম্বুলেঞ্চ সেৱা ৷ ১০৮ ত থাকিব এডভান্স লাইফ চাপ'ৰ্ট চিষ্টেম । ক’ভিড ১৯ ৰ ভৰপক সময়ত সন্মুখৰ পৰাই ক’ভিড যুদ্ধত অৱতীৰ্ণ হৈছিল ১০৮ এম্বুলেঞ্চ সেৱাৰ কৰ্মচাৰীয়ে ৷ সম্প্ৰতি পুনৰ ক’ভিড ১৯ এ ভয়াৱহ ৰূপ লোৱাৰ আশংকা কৰিছে একাংশই । এনে সময়তেই নগাঁৱত মুকলি কৰা হৈছে অত্যাধুনিক ১০৮ এম্বুলেঞ্চ সেৱা ।
নগাঁৱত সংযোজন পাঁচখনকৈ অত্যাধুনিক মৃত্যুঞ্জয় সেৱা
নগাঁও আৰু হোজাই জিলাৰ বাবে অত্যাধুনিক ব্যৱস্থা থকা পাঁচখনকৈ অতিৰিক্ত ১০৮ এম্বুলেঞ্চ মুকলি কৰা হয় সোমবাৰে । এডভান্স লাইফ চাপ'ৰ্ট ৰ ব্যৱস্থা থকা পাঁচখনকৈ ১০৮ মৃত্যুঞ্জয় সেৱা মুকলি কৰে নগাঁও জিলা যুটীয়া স্বাস্থ্য সঞ্চালক অতুল চন্দ্ৰ পাটৰে । নগাঁও ভোগেশ্বৰী ফুকননী অসামৰিক চিকিৎসালয়ত মুকলি কৰা হয় এম্বুলেঞ্চ কেইখন ।