গুৰুজয়ন্তীৰ প্ৰাকক্ষণত নামঘৰত চুৰি কাণ্ড

দেওবাৰে নিশা কলিয়াবৰৰ নলতলি গাঁৱৰ বৰ নামঘৰত চুৰি কাণ্ড ৷ দানপাত্ৰ ভাঙি লণ্ড-ভণ্ড কৰিলে চোৰে ৷

কলিয়াবৰ, 7 অক্টোবৰঃকলিয়াবৰৰ নলতলি গাঁৱৰ বৰ নামঘৰত চুৰি কাণ্ড ৷ গুৰু আসন, পুথি-পাঁজি, দানপাত্ৰ ভাঙি লণ্ড-ভণ্ড কৰিলে চোৰে ৷ মহাপুৰুষ শ্ৰীমন্ত শংকৰদেৱৰ 571 সংখ্যক জন্ম জয়ন্তীৰ প্ৰাকক্ষণত কলিয়াবৰৰ নলতলি গাঁৱৰ বৰ নামঘৰত সংঘটিত হয় এই চুৰিকাণ্ড । নামঘৰৰ গুৰু আসন, পুথি-পাঁজি লণ্ড-ভণ্ড কৰি কাষতে থকা দানপাত্ৰ ভাঙি চোৰে লৈ যায় অৰিহণাৰ সমুদায় ধন ।

পুৱা গাঁৱৰ ৰাইজে নামঘৰ দানপাত্ৰৰ তলা ভঙা প্ৰত্যক্ষ কৰি চুলুং তহলদাৰী আৰক্ষী চকীত খবৰ দিয়ে । গাঁওবাসীৰ এজাহাৰৰ ভিত্তিতেই তদন্ত প্ৰক্ৰিয়া আৰম্ভ ৰাখিছে আৰক্ষীয়ে ৷ গুৰু জয়ন্তীৰ প্ৰাকক্ষণত চুৰি কাণ্ডই গাঁওবাসীক ক্ষোভিত কৰি তুলিছে ৷

• লগতে চাওকঃ ইৰাকত গণবিদ্ৰোহ : মৃতকৰ সংখ্যা 104 লৈ বৃদ্ধি