নগাঁও, 20 ফেব্ৰুৱাৰীঃচিপ লোৱা অৱস্থাত বিদ্যালয়তে নগাঁৱৰ নৱৰূপ জাতীয় বিদ্যালয়ৰ ছাত্ৰৰ মৃতদেহ উদ্ধাৰক লৈ প্ৰতিক্ৰিয়া অব্যাহত নগাঁৱত ৷ শনিবাৰে বিদ্যালয়ত পাঠদান চলি থকা সময়তে বিদ্যালয়খনৰ পঞ্চম মহলাত ডিঙিত চিপ লোৱা অৱস্থাত উদ্ধাৰ হৈছিল দশম শ্ৰেণীৰ ছাত্ৰ দিগন্ত বৰাৰ মৃতদেহ ৷ বিদ্যালয়খনৰ স্বত্বাধিকাৰী তথা সম্পাদক মুনীন্দ্ৰ শইকীয়াৰ বিৰুদ্ধে ছাত্ৰগৰাকীক নিৰ্যাতন চলোৱাৰ অভিযোগ উত্থাপন কৰি, শনিবাৰে উৰিয়াগাঁৱত ৰাষ্ট্ৰীয় ঘাইপথ অৱৰোধ কৰি প্ৰতিবাদ সাব্যস্ত কৰিছিল স্থানীয় ৰাইজে ৷ ঘটনাৰ উচিত তদন্ত কৰি দোষীক শাস্তি প্ৰদানৰ দাবীত সোমবাৰে বিদ্যালয়ৰ সন্মুখতো সাব্যস্ত কৰিছিল প্ৰতিবাদ ৷
ছাত্ৰৰ আত্মহত্যাক কেন্দ্ৰ কৰি অব্যাহত প্ৰতিক্ৰিয়া