নগাঁও, 18 জানুৱাৰীঃ সমাজ, সাহিত্য, সংগীত আদি বিভিন্ন ক্ষেত্ৰত বিশেষ অৱদান আগবঢ়াই অহা নগাঁৱৰ ছয় গৰাকীকৈ বিশিষ্ট ব্যক্তিক প্ৰদান কৰা হয় 2019 বৰ্ষৰ ৰূপান্তৰ বঁটা ৷ অনুষ্ঠানটোৰ নৱম বাৰ্ষিক প্ৰতিষ্ঠা দিৱসৰ লগত সংগতি ৰাখি নগাঁও প্ৰেছ ক্লাৱত আয়োজিত এক অনুষ্ঠানত প্ৰদান কৰা হয় এই বঁটা ৷ ষাঠিৰ দশকৰ পৰা নাট্য জগতলৈ বিশেষ বৰঙণি আগবঢ়াই অহা নগাঁৱৰ চকলাঘাটৰ নেত্ৰ কমল বৰঠাকুৰলৈ ৰূপান্তৰ শিল্পী সন্মান ২০১৯ প্ৰদান কৰা হয় ৷ একেদৰে নিৰলসভাৱে শাস্ত্ৰীয় সংগীত চৰ্চা কৰি অহা সাংস্কৃতিক সঞ্চালকালয়ৰ নগাঁও জিলা উন্নয়ন বিষয়া, মুনীন গোস্বামীক ৰূপান্তৰ সংগীত সন্মান২০১৯ প্ৰদান কৰা হয় ৷
2019 বৰ্ষৰ 'ৰূপান্তৰ বঁটা' প্ৰদান নগাঁৱৰ ছয় গৰাকীকৈ বিশিষ্ট ব্যক্তিলৈ