নগাঁও,26 জুলাই: নগাঁও জিলাৰ চামগুৰিৰ শিঙীয়া অঞ্চলৰ এখন প্ৰাৰ্থমিক চিকিৎসালয়ে উদঙাইছে ৰাজ্যৰ স্বাস্থ্য বিভাগৰ ফোপোলা স্বৰূপ ৷ চিকিৎসালয় খন বৰ্তমান পৰিণত হৈছে জাবৰ পেলোৱা স্থানলৈ ৷ চামগুৰিৰ বৃহত্তৰ শিঙীয়া অঞ্চলকে আদি কৰি কেইবাখনো ভিতৰুৱা গাঁৱৰ ৰাইজৰ সুবিধাৰ্থে 2010 চনতে স্থাপন কৰা এই চিকিৎসালয় খনৰ অৱস্থা দেখিলে চকু কপালত উঠিব।
স্বাস্থ্য বিভাগৰ হেমাহিৰ বাবে সকলো জহি খহি যোৱাৰ উপক্ৰম হৈছে এতিয়া চিকিৎসালয় খনৰ৷ চামগুৰিৰ PHCৰ অন্তৰ্গত এই হাস্পতাল খনত সপ্তাহটোত এদিনৰ বাবে নিয়োগ কৰা হৈছে মাত্ৰ এজন ডাক্তৰ ৷ পৰীক্ষাগাৰকে আদি কৰি সকলো সুবিধা থকা হাস্পতালখনৰ দুৱাৰডলি দেখি নোপোৱা টেকনিছিয়ান জনক ইতিমধ্যে নিলম্বন কৰা হৈছে বুলি জানিব দিয়ে স্থানীয় ৰাইজে।
ডাষ্টবিনলৈ পৰিণত হোৱা এখন চিকিৎসালয়