নগাঁও,২৫ জুন: এক ভয়ংকৰ দুৰ্ঘটনাত পতিত হয় নগাঁও আৰক্ষীৰ এখন বাহন(Police car accident) । নিশা আৰক্ষীৰ বাহনত দ্ৰুতবেগী এখন ট্ৰাকে খুন্দা মৰাৰ ফলতেই সংঘটিত হয় দুৰ্ঘটনা ৷ নগাঁও বাইপাছৰ ঘাঁহীত সংঘটিত হৈছে এই ভয়ংকৰ দুৰ্ঘটনা।
নিশা তহলদাৰী বৰঘাট আৰক্ষীৰ ব’লেৰো গাড়ীত প্ৰচণ্ড গতিত খুন্দা মাৰে গুৱাহাটী অভিমুখী এখন ট্ৰাকে ৷ দুৰ্ঘটনাৰ ফলত চূৰ্ণ বিচূৰ্ণ হৈ পৰে আৰক্ষীৰ বাহনখন। দুৰ্ঘটনাটোত গুৰুতৰ ভাবে আহত হয় ললিত দাস নামৰ আৰক্ষী বাহনখনৰ চালকজন ৷ নিশাই নগাঁও ভোগেশ্বৰী ফুকননী অসামৰিক চিকিৎসালয়ত ভৰ্তি কৰোৱা হয় আহত চালকজনক ।
লগতে পঢ়ক:শিহৰণকাৰী ! হাতত প্ৰকাণ্ড অজগৰ
