নগাঁও, 8 জুলাইঃ ৰাজ্যজুৰি কৰ‘ণাতংক অব্যাহত থকাৰ মাজতে ৰাজ্যৰ বিভিন্ন স্থানত এতিয়া নিচাজাতীয় দ্ৰব্য আৰু নিচাজাতীয় ঔষধৰ সৰবৰাহৰ চেষ্টা চলাইছে একাংশ লোকে ৷ তেনে নিচাজাতীয় সামগ্ৰীৰ সৰবৰাহ ৰোধ কৰাৰ বাবে আৰক্ষীয়েও অব্যাহত ৰাখিছে অভিযান ৷
নগাঁও আৰক্ষীয়েও অব্যাহত ৰাখিছে নিচাজাতীয় ঔষধৰ বিৰুদ্ধে অভিযান । বুধবাৰে নগাঁৱৰ পুৰণিগুদামত আৰক্ষীয়ে অভিযান চলাই বৃহৎ পৰিমাণৰ নিচাজাতীয় ঔষধ জব্দ কৰাৰ লগতে দুজনকৈ সৰবৰাহকাৰীক আটক কৰিবলৈ সক্ষম হয় । দীৰ্ঘদিন ধৰি নিষিদ্ধ ড্ৰাগছ সৰবৰাহৰ সৈতে জড়িত পুৰণিগুদাম ন-আলিমুৰৰ আলালউদ্দিন আৰু নগাঁৱৰ মধুপুৰৰ ৰফিকুল ইছলামক আটক কৰে আৰক্ষীয়ে । তদুপৰি ধৃত দুই সৰবৰাহকাৰীৰ পৰা আৰক্ষীৰ দলটোৱে বৃহৎ পৰিমাণৰ নিচাজাতীয় ঔষধো জব্দ কৰিবলৈ সক্ষম হয় ৷
লগতে পঢ়ক :ল’ক ডাউনত বাৰ্থ দ্যে পাৰ্টি খোৱা আৰক্ষী বিষয়াক চৰকাৰৰ শাস্তিমূলক বদলি